News Flash

राज्यात सोमवारी १६ हजार ४२९ नव्या करोनाबाधितांची नोंद; ४२३ जणांचा मृत्यू

मुंबईत १ हजार ७८८ नवे करोनाबाधित

संग्रहित छायाचित्र

राज्यात करोनाचा प्रादुर्भाव मोठ्या प्रमाणात वाढत आहे. गेल्या काही दिवसांपासून राज्यातील करोनाबाधितांच्या संख्येत मोठी नोंद होत होती. परंतु सोमवारी मागील दोन दिवसांच्या तुलनेत आज राज्यात रुग्णांच्या संख्येत घट झाल्याचं पाहायला मिळालं. असं असलं तरी मृतांच्या संख्येत मात्र वाढ झाली आहे. सोमवारी दिवसभरात राज्यात १६ हजार ४२९ नवे करोनाबाधित रुग्ण आढळून आले. तर १४ हजार ९२२ करोनामुक्त रुग्णांना उपचारानंतर घरी सोडण्यात आले. करोनामुक्त होणाऱ्या रुग्णांची एकूण संक्या आता ६ लाख ५९ हजार ३२२ इतकी झाला आहे. सध्या राज्यात एकूण २ लाख ३६ हजार ९३४ एवढे अॅक्टिव्ह रुग्ण आहेत. राज्यातील रुग्ण बरे होण्याचे प्रमाण आता ७१.३८ टक्के इतके झाले आहे.

राज्यात सोमवारी तब्बल ४२३ जणांच्या मृत्यूची नोंद करण्यात आली. त्यामुळे मृतांची संख्या आता २७ हजार ०२७ वर पोहोचली आहे. आरोग्य विभागानं यासंदर्भातील माहिती दिली आहे. मुंबईत सोमवारी १ हजार ७८८ नवीन रुग्णांची नोंद झाली असून एकूण करोनाबाधितांची संख्या १ लाख ५७ हजार ४१० वर गेली आहे. तर दुसरीकडे राज्यातील करोनाबाधितांची एकूण संख्या आता ९ लाख २३ हजार ६४१ वर पोहोचली आहे.

आतापर्यंत मुंबईत १ लाख २५ हजाराहून अधिक रुग्ण करोनामुक्त झाले आहेत. सध्या २४ हजार १४४ रुग्णांवर मुंबईत उपचार सुरू आहेत. मुंबईत मृतांची एकूण संख्या ७ हजार ८९७ वर पोहोचली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 8, 2020 7:27 am

Web Title: coronavirus patients numbers increased in maharashtra death numbers health department jud 87
Next Stories
1 प्रवाशांच्या पावलांवरील भिरभिरती नजर रोजगाराच्या शोधात
2 ‘केवायसी’च्या नावाखाली प्राध्यापकास ४६ लाखांचा गंडा
3 जिल्ह्य़ात खरीप हंगामात १०४ टक्के पेरण्या
Just Now!
X