News Flash

Coronavirus : करोनाबाधिताशी संपर्कातील व्यक्तीचा आजारपणाने मृत्यू

मंगलोर एक्सप्रेसमधून आलेल्या एका प्रवाशाला करोना झाल्याचे काही दिवसांपूर्वी निष्पन्न झाले होते.

संग्रहित छायाचित्र

मंगलोर एक्सप्रेसमधून आलेल्या करोनाबाधिताच्या संपर्कातील व्यक्तीचा शुक्रवारी राजापूर जिल्हा शासकीय रुग्णालयात मृत्यू झाला. या मृत व्यक्तीला काही काळ घरीच अलगीकरण करून  ठेवण्यात आले होते. त्याच्या स्वाबची चाचणी निगेटिव्ह  आली होती.

आता खबरदारीचा उपाय म्हणून करोनाबाधित मृत व्यक्तीवरील अंत्यसंस्काराच्या पध्दतीने या व्यक्तीवर अंतिम संस्कार करण्यात येणार असल्याची माहिती राजापूरचे प्रांताधिकारी प्रवीण खाडे यांनी दिली आहे.

मंगलोर एक्सप्रेसमधून आलेल्या एका प्रवाशाला करोना झाल्याचे काही दिवसांपूर्वी निष्पन्न झाले होते. त्याच्यावर सिंधुदुर्ग येथे उपचार करण्यात आले. दरम्यान हा रुग्ण संपर्कात आलेल्या लोकांना घरीच अलगीकरण करून  ठेवण्यात आले होते. संबंधित प्रवासी काही कालावधीसाठी खारेपाटण येथील आरोग्य केंद्रात गेल्याचे तपासणीत पुढे आले होते. नंतर तेथे घरी अलगीकरण करून ठेवलेल्या या व्यक्तीची तब्येत बिघडल्याने त्याला जिल्हा शासकीय रुग्णालयात दाखल करण्यात आले होते.  अखेर शुक्रवारी येथील शासकीय जिल्हा रुग्णालयात या व्यक्तीचा मृत्यू झाला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 11, 2020 9:59 am

Web Title: coronavirus person dies due to sickness this person contacted in corona affected person msr 87
टॅग : Coronavirus
Next Stories
1 Coronavirus : औरंगाबादमध्ये आणखी दोन बाधित, शहराचा आकडा 20 वर
2 लॉकडाउनच्या काळात राष्ट्रवादी काँग्रेसच्या आमदाराच्या कुटुंबाचा पुणे-मुंबई प्रवास
3 CoronaVirus Live Update: किमान ३० एप्रिल पर्यंत लॉकडाउन कायम : मुख्यमंत्री उद्धव ठाकरे
Just Now!
X