News Flash

औरंगाबाद महापालिकेच्या सभेत गोंधळ; नगरसेवक प्रमोद राठोड जखमी

समांतर जलवाहिनीच्या विषयावरून शुक्रवारी औरंगाबाद महापालिकेच्या सर्वसाधारण सभेमध्ये मोठा गोंधळ उडाला.

| April 12, 2013 03:05 am

समांतर जलवाहिनीच्या विषयावरून शुक्रवारी औरंगाबाद महापालिकेच्या सर्वसाधारण सभेमध्ये मोठा गोंधळ उडाला. महापौरांसमोरील राजदंड पळविण्याच्या प्रयत्नात कॉंग्रेसचे नगरसेवक प्रमोद राठोड यांना तो लागल्याने ते जखमी झाले. राठोड यांना उपचारांसाठी घाटी रुग्णालयात दाखल करण्यात आले आहे.
महापालिकेच्या सभेमध्ये समांतर जलवाहिनीचा विषय निघाल्यानंतर सदस्यांनी गोंधळ घालण्यास सुरुवात केली. त्यानंतर सभा तहकूब करण्याचा महापौरांच्या निर्णयानंतर विरोधी सदस्यांनी त्यांच्या खुर्चीसमोर जाऊन आपले म्हणणे मांडण्यास सुरुवात केली. यावेळी महापौरांसमोरील राजदंड नगरसेवकांनी उचलला. राजदंडाच्या ओढाओढीमध्ये तो प्रमोद राठोड यांच्या कपाळाला लागला. त्यामुळे त्यांच्या कपाळातून रक्त येण्यास सुरुवात झाली. यानंतर राठोड यांना तातडीने घाटी रुग्णालयात दाखल करण्यात आले. तेथे त्यांच्यावर उपचार करण्यात आले.
औरंगाबाद महापालिकेच्या समांतर जलवाहिनीचे काम दिलेल्या कंत्राटदाराने नोटीस मुदत संपण्यापूर्वी पावले न टाकल्यास हे कंत्राट रद्द करून नव्याने देण्याची घोषणा मुख्यमंत्री पृथ्वीराज चव्हाण यांनी बुधवारीच केली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 12, 2013 3:05 am

Web Title: corporator wounded in municipal corporation general body meeting
Next Stories
1 मुख्यमंत्री व पत्रकारांमध्ये प्रशासनाची आडकाठी
2 गुजरातेतील ट्रक अपघातात साक्रीतील सहा ऊसतोड मजूर ठार
3 गडचिरोलीमध्ये चकमकीत चार नक्षलवाद्यांसह, तीन नागरिक मृत्युमुखी
Just Now!
X