13 August 2020

News Flash

करोनाचं हॉटस्पॉट असलेल्या मालेगावात रस्त्यावर आला जमाव; पोलिसांनी लगेच उचलले पाऊल

मोसम नदीवरील अल्लमा पुलावर सकाळी हा प्रकार घडला

लॉकडाउनच्या पार्श्वभूमीवर बंदोबस्तावर असलेल्या पोलिसांनी जमावाला पांगवण्याचा प्रयत्न केल्याने तणावाचे वातावरण निर्माण झाल्याचे दिसत आहे. मालेगावमधील संगमेश्वर येथे मोसम नदीवरील अल्लमा पुलावर सकाळी हा प्रकार घडला आहे. बंदोबस्तावरील पोलिसांशी काही लोकांनी हुज्जत घातल्याचाही प्रकार घडल्याचे सांगितले जात आहे. मात्र काही वेळातच जादा कुमक आल्याने जमावाने  घटनास्थळावरू पळ काढला. तर, यावेळी दगडफेक झाली असल्याचे जरी सांगितले जात असले तरी, जमावाने दगडफेक केली नसल्याचे पोलिसांकडून सांगण्यात आले आहे.

या प्रकारामागचे कारण समजले नाही. परंतु, टाळेबंदीत जीवनावश्यक वस्तू मिळवण्यासाठीही बाहेर पडता येत नसल्याने निर्माण झालेल्या असंतोषातून हा प्रकार घडल्याची शक्यता वर्तवली जात आहे.  या ठिकाणच्या पोलीस चौकीची मोडतोड झाली असल्याचीही माहिती समोर येत आहे. जमावाला पांगवण्यासाठी पोलिसांना सौम्य लाठीमार करावा लागल्याचेही कळते. परिस्थिती नियंत्रणात आणण्यासाठी वरिष्ठ पोलिस अधिकाऱ्यांनी घटनास्थळी भेट दिली.

शहरात बुधवारी येथील रुग्णालयांमध्ये उपचार घेत असलेल्या एका करोनाबाधितासह दोन संशयित अशा तिघांचा मृत्यू झाला. २४ तासांत ११ नवे रुग्ण आढळून आल्याने मालेगावातील करोना बाधितांची संख्या आता ९६ वर गेली आहे. तसेच आतापर्यंत करोनामुळे नऊ जणांचा मृत्यू झाला असून अन्य तीन करोना संशयित मृतांचे अहवाल प्रलंबित आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 23, 2020 1:34 pm

Web Title: crowds came on the street in malegaon coronas hotspot the police immediately took action msr 87
टॅग Coronavirus
Next Stories
1 विरोधी पक्षनेत्याचं घर राजभवनाच्या दारात आहे का?; संजय राऊत यांचा देवेंद्र फडणवीसांना सवाल
2 धक्कादायक! मिरजमध्ये लॉकडाउनमध्ये अडकलेल्या तरुणीला दारु पाजून सामूहिक बलात्कार
3 पोलीस उपनिरीक्षकाची आत्महत्या
Just Now!
X