28 September 2020

News Flash

लॉकडाउनच्या काळात आता घरबसल्या होणार विठ्ठल-रुक्मिणीचे दर्शन

वेबसाईटवरुन थेट दर्शनाची सोय उपलब्ध

फोटो सौजन्य - श्री विठ्ठल- रुक्मिणी मंदिर समिती, पंढरपूर

करोना विषाणूचा प्रादूर्भाव रोखण्यासाठी शासनाच्या निर्देशानुसार राज्यातील सर्व धार्मिक स्थळे दर्शनासाठी बंद आहेत. याचाच भाग म्हणून पंढरपूरमधील विठ्ठल-रुक्मिणी मंदिरही दर्शनासाठी बंद आहे. मंदीर दर्शनासाठी बंद असले तरी भाविकांना विठठल-रुक्मिणी मातेचे दर्शन घरबसल्या घेता येणार आहे, अशी माहिती मंदिर समितीचे कार्यकारी अधिकारी विठ्ठल जोशी यांनी दिली.

करोनाच्या पार्श्वभूमीवर भाविकांसाठी श्री विठ्ठल-राक्मिणीचे मंदिर दर्शनासाठी बंद आहे. या काळात श्री विठ्ठल-रुक्मिणीचे सर्व नित्योपोचार सुरु आहेत. भाविकांना घरबसल्या दर्शन घेता यावे यासाठी www.vitthalrukminimandir.org या संकेतस्थळाचा तसेच गुगल प्ले स्टोअरमधून shree vitthal rukmni live Darshan अॅप डाऊनलोड करावे. तसेच जिओ टीव्हीवरील जिओ दर्शन आणि टाटा स्कायवरील ॲक्टिव्ह चॅनेल या माध्यमातून श्री विठ्ठल-रुक्मिणीचे दर्शन, महापूजा, शेजआरती, धूप आरती आदी नित्योपोचार पाहता येणार आहेत.

१ जुलै २०२० रोजी आषाढी एकादशी आहे. यंदा करोनाचे सावट असल्याने शासनाच्या निर्देशानुसार कोणत्याही भाविकाला दर्शनासाठी मंदिरात सोडता येणार नाही. भाविकांनी आपल्या आरोग्याची काळजी घेण्यासाठी पंढरपूरात येणे टाळावे. त्याऐवजी आषाढी यात्रेचा सोहळा पाहण्यासाठी व दर्शनासाठी विठ्ठल-रुक्मिणी मंदीर समितीमार्फत करण्यात आलेल्या ऑनलाइन दर्शन सुविधेचा लाभ घ्यावा, असे आवाहन मंदिर समितीचे कार्यकारी अधिकारी जोशी यांनी केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 17, 2020 7:15 pm

Web Title: darshan of vitthal rukmini will now be at home during the lockdown aau 85
टॅग Coronavirus
Next Stories
1 “परीक्षांसाठी देशभरात एकच सूत्र हवे”, उद्धव ठाकरे यांची पंतप्रधान मोदींकडे मागणी
2 ‘वन महोत्सव’ काळात सवलतीच्या दरात रोपं उपलब्ध करणार – वनमंत्री
3 अकोल्यातील करोनाबाधित रुग्णाचा यवतमाळमध्ये उपचारांदरम्यान मृत्यू
Just Now!
X