14 August 2020

News Flash

सूर्याकडे पाहून थुंकलं तर काय होणार? विचारत अजित पवार यांचं पडळकरांना प्रत्युत्तर

गोपीचंद पडळकर यांनी टीका करताना सोडली होती मर्यादा

सूर्याकडे पाहून थुंकलं तरी थुंकी आपल्याच अंगावर पडते हे विसरु नका. ज्या माणसाची योग्यता नाही, आपण काय बोलतो कुणाबद्दल बोलतो याचा विचार न करता जो माणूस बोलतो त्याच्यावर काय बोलायचं? असं म्हणत अजित पवार यांनी गोपीचंद पडळकरांना उत्तर दिलं आहे. राष्ट्रवादी काँग्रेसचे अध्यक्ष शरद पवार यांच्यावर गोपीचंद पडळकर यांनी टीका करताना पातळी सोडली होती. त्या टीकेला आता अजित पवार यांनीही उत्तर दिलं आहे.

काय म्हणाले अजित पवार?
“शरद पवार यांना उभा भारत देश ओळखतो. कुठलंही संकट येवो, गारपीट, दुष्काळ, भूकंप किंवा इतर काही समस्या. शरद पवार उमेदीच्या काळात तर फिरलेच मात्र या वयातही ते पायाला भिंगरी लावून फिरत आहेत. ज्या माणसाची योग्यता नाही, आपण काय बोलतो, कुणाबद्दल बोलतो याचा जराही विचार जो माणूस करत नाही त्याच्याबद्दल काय बोलायचं? सूर्याकडे पाहून थुंकल तर थुंकी आपल्याच अंगावर पडणार ना?” अशा भाषेत अजित पवार यांनी पडळकर यांना उत्तर दिलं आहे.

जी व्यक्ती बोलली त्यांचा स्वभाव तसाच आहे. पूर्वी ते पंतप्रधान नरेंद्र मोदी यांच्याविषयीही बोलले होते. एखाद्याला नको तितकं महत्त्व दिल्याने त्याला आकाशही ठेंगणं वाटतं त्यातलाच हा प्रकार आहे. बारामतीकरांनी सर्वांची डिपॉझिट जप्त केली तसं याचंही डिपॉझिट जप्त केलं. यावरुन जनाधार त्यांच्यामागे किती आहे ते समजतं, राज्याने ते ओळखलं आहे. आम्ही असल्या माणसांकडे लक्ष देत नसतो असंही अजित पवार यांनी म्हटलं आहे.

काही दिवसांपूर्वीच गोपीचंद पडळकर यांनी शरद पवार हे महाराष्ट्राला लागलेले करोना आहेत असं वादग्रस्त वक्तव्य केलं होतं. त्यानंतर एकच वाद उफाळून आला होता. राष्ट्रवादीच्या कार्यकर्त्यांनी काही ठिकाणी गोपीचंद पडळकर यांचा पुतळाही जाळला. दरम्यान आज या सगळ्या वादावर उपमुख्यमंत्री अजित पवार यांनी प्रतिक्रिया दिली आहे. तसंच शरद पवारांनीही साताऱ्यात झालेल्या पत्रकार परिषदेत कुठे अशांना महत्त्व देता म्हणत पहिल्यांदाच प्रतिक्रिया दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 27, 2020 6:49 pm

Web Title: deputy cm ajit pawar gave strong answer to bjps gopichand padalkar on his statement scj 81
Next Stories
1 गृहमंत्र्यांचा वाहन ताफा अडवण्याचा प्रयत्न करणारे ताब्यात
2 धक्कादायक : बनावट शैक्षणिक प्रमाणपत्राच्या आधारे तब्बल ३२ वर्षे केली शिक्षकाची नोकरी
3 पेट्रोल-डिझेल दरवाढीच्या विरोधात काँग्रेसचे २९ जून रोजी आंदोलन
Just Now!
X