News Flash

…तर महाराष्ट्रात जनतेच्या अनेक प्रश्नांना तोंड द्यावं लागेल; फडणवीसांना काँग्रेसचा सल्ला

गुप्तेश्वर पांडे यांच्या राजकीय प्रवेशावरून टीका

संग्रहित छायाचित्र

अभिनेता सुशांत सिंह राजपूत प्रकरणावरून मुंबई पोलिसांवर आरोप करणारे बिहारचे माजी पोलीस महासंचालक गुप्तेश्वर पांडे यांनी बिहारच्या राजकारणात प्रवेश केला. मुख्यमंत्री नितीश कुमार यांच्या जदयूमध्ये पांडे यांनी प्रवेश केला असून, निवडणुकही लढवणार आहेत. पांडे यांनी राजकारणात प्रवेश केल्यानंतर काँग्रेसनं बिहारचे भाजपा प्रभारी व विरोधी पक्षनेते देवेंद्र फडणवास यांना सल्ला दिला आहे.

बिहारचे माजी पोलीस महासंचालक गुप्तेश्वर पांडे यांनी सुशांत सिंह राजपूत आत्महत्या प्रकरणात मुंबई पोलिसांच्या तपास शंका उपस्थित करत आरोप केले होते. त्याचबरोबर हे प्रकरण सीबीआयकडे देण्याचा मुद्दाही त्यांनी उपस्थित केला होता. दरम्यान, या प्रकरणाची चौकशी सुरू असतानाच पांडे यांनी स्वेच्छानिवृत्ती घेत राजकारणात प्रवेश केला आहे.

पांडे यांनी नितीश कुमार यांच्या जदयूमध्ये प्रवेश केला असून, त्यांना उमेदवारी दिली जाणार असल्याचं वृत्त आहे. पांडे यांच्या जदयूतील प्रवेशानंतर काँग्रेसचे प्रवक्ते सचिन सावंत यांनी टीका केली असून, बिहारचे प्रभारी असलेले विरोधी पक्षनेते देवेंद्र फडणवीस यांना सल्लाही दिला आहे.

“देवेंद्र फडणवीसजी बिहार भाजपाचे प्रभारी असताना, जर मुंबई पोलिसांचा अपमान करुन महाराष्ट्राला बदनाम करणाऱ्या ना भाजपाचा सहयोगी पक्ष तिकीट देत असेल तर ते अत्यंत दुःखद असेल. फडणवीसजींनी निकराने विरोध केला नाही, तर महाराष्ट्रात जनतेच्या अनेक प्रश्नांना तोंड द्यावे लागेल,” असं सचिन सावंत यांनी म्हटलं आहे.

गुप्तेश्वर पांडे बिहार विधानसभेची निवडणूक लढवणार असल्याची चर्चा गेल्या काही दिवसांपासून सुरू होती. मात्र, त्यांच्याकडून याचा इन्कार केला जात होता. अखेर काल (२७ सप्टेंबर) पांडे यांनी नितीश कुमार यांच्या घरी जाऊन जदयूमध्ये प्रवेश केला. या राजकीय प्रवेशानंतर ते निवडणूक लढवणार असल्याचं जवळपास निश्चित झालं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 28, 2020 1:43 pm

Web Title: devendra fadnavis sachin sawant congress bjp bihar assembly election bmh 90
Next Stories
1 जनमाहिती अधिकारीपदी शिपायाची नियुक्ती
2 सुपारीच्या नुकसानीने बागायतदार आर्थिक अडचणीत
3 शरद पवार, संजय राऊतांनी केलं सुखबीर सिंह बादलांच्या निर्णयाचं स्वागत, म्हणाले…
Just Now!
X