23 November 2020

News Flash

महाविकास आघाडी सरकार हे पलटूराम सरकार-देवेंद्र फडणवीस

जनतेच्या प्रश्नाशी या सरकारला घेणंदेणं नाही असाही आरोप फडणवीस यांनी केला

संग्रहीत

महाविकास आघाडी सरकार हे पलटूराम सरकार आहे अशी टीका माजी मुख्यमंत्री आणि विधानसभेचे विरोधी पक्षनेते देवेंद्र फडणवीस यांनी केली आहे. नागपूर पदवीधर मतदारसंघासाठी भाजपा उमेदवार संदीप जोशी यांचा प्रचार करण्यासाठी पदवीधर मेळाव्यात बोलत होते. उर्जा मंत्र्यांनी स्वतः घोषणा करत वाढीव वीज बिलं कमी करु असे जाहीर केले होते. तिन्ही पक्षांचे कॅबिनेट मीडियासमोर आले त्यांनी वाढीव वीज बिलं कमी करु अशी घोषणा करत फोटोही काढून घेतले. आता मात्र सगळ्यांनी पलटी मारली अशीही टीका फडणवीस यांनी केली.

आता उर्जा मंत्री म्हणत आहेत की माझा अभ्यास नव्हता, महावितरणची ५९ हजार कोटींची थकबाकी आहे हे मला माहित नव्हते. मुख्यमंत्री आणि उपमुख्यमंत्री वर्षभरात विदर्भात फिरकले नाहीत. हे विदर्भ, मराठवाड्यासाठी, उत्तर महाराष्ट्र, कोकण यासाठी काम करणारे सरकार नाही. मुख्यमंत्री एका भागासाठी काम करतात आणि उपमुख्यमंत्री त्यांच्या भागासाठी काम करतात. पण महाराष्ट्रात काम कोण करणार? असाही प्रश्न देवेंद्र फडणवीस यांनी नागपुरातल्या पदवीधर मेळाव्यात विचारला.

“या सरकारमध्ये कोणताही मंत्री उठतो आणि घोषणा करुन मोकळा होतो. जनतेची कामं मात्र कधीही होत नाहीत. नुसत्या बदल्यांचे प्रकार चालवले आहेत. या सरकारमध्ये दलाल सक्रिय झाले आहेत असाही आरोप देवेंद्र फडणवीस यांनी केला.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 20, 2020 9:36 pm

Web Title: devendra fadnavis slams mahavikas aghadi governement in nagpur speech scj 81
Next Stories
1 रुबाबदार राजकुमार वाघाची पिंजऱ्यातून तीन वर्षांनी सुटका
2 महाराष्ट्रात सलग तिसऱ्या दिवशी ५ हजारांपेक्षा जास्त रुग्ण करोना पॉझिटिव्ह
3 वीज बिल सवलतीची फाईल एका मंत्र्याने दडवली-प्रकाश आंबेडकर
Just Now!
X