News Flash

कोल्हापूरातील ‘सीपीआर’चा जिल्हा रुग्णालयाचा दर्जा रद्द – प्रकाश आवाडे

इचलकरंजीतील इंदिरा गांधी सामान्य रुग्णालयास जिल्हा रुग्णालयाचा दर्जा मिळवण्याचा आपला प्रयत्न असून त्याला खोडा घातला जात आहे, असा आरोप प्रकाश आवाडे यांनी केला.

कोल्हापूरातील 'सीपीआर'चा जिल्हा रुग्णालयाचा दर्जा रद्द - प्रकाश आवाडे

कोल्हापुरातील छत्रपती प्रमिला राजे (सीपीआर) रूग्णालयात वैद्यकीय महाविद्यालय सुरू झाल्याने जिल्हा रुग्णालयाची मान्यता रद्द झाली आहे,अशी धक्कादायक माहिती माजी मंत्री, आमदार प्रकाश आवाडे यांनी शनिवारी दिली.

इचलकरंजीतील इंदिरा गांधी सामान्य रुग्णालयास जिल्हा रुग्णालयाचा दर्जा मिळवण्याचा आपला प्रयत्न असून त्याला खोडा घातला जात आहे. कोल्हापुरात आणखी एक रुग्णालय सुरू करून त्याला जिल्हा रुग्णालय रुग्णालयाचा दर्जा मिळवून देण्याची धडपड सुरू आहे. हा विरोध मोडून इचलकरंजीतील रुग्णालयाला जिल्हा दर्जा मिळवून देण्यासाठी प्रयत्नशील आहे,असेही त्यांनी पत्रकार परिषदेत सांगितले.

इंदिरा गांधी रुग्णालयातील समस्यांवरून आवाडे यांनी जिल्ह्यातील मंत्र्यांवर टीकास्त्र टाकले होते. याबाबत ते म्हणाले, आपण आवाज उठल्यामुळे रुग्णालयात काम सुरू झाले आहे. नवीन प्राणवायू प्रकल्प उभारला जात असून दिवसाला ४०० जम्बो सिलेंडर प्राणवायू उपलब्ध होणार आहे. बांधकामासाठी साडेबारा कोटी रुपये मंजूर झाले असून त्यातून तिसऱ्या मजल्यावर कामे होणार आहेत. त्यानंतर रुग्णालयात ३०० खाट उपलब्ध होऊ शकतात. त्याआधारे येथे वैद्यकीय महाविद्यालयाला मान्यता मिळू शकते. परंतु या कामात आडकाठी आणण्यासाठी रुग्णालय २५० खाटचे व्हावे, असा काहींचा जाणीवपूर्वक प्रयत्न सुरू आहे, असा आरोप त्यांनी केला.

हेही वाचा- कोल्हापूरातील ‘सीपीआर’चा जिल्हा रुग्णालयाचा दर्जा रद्द – प्रकाश आवाडे

राजकारण टाळले पाहिजे

रुग्णालयातील ९३ पदे रिक्त आहेत. सेवेत असलेल्या ४२ कर्मचाऱ्यांची कायमस्वरूपी भरती केल्यास केवळ ४१ पदे भरावी लागणार आहेत. तथापि मूळ विषयाला बगल देऊन श्रेय वादासाठी नवनव्या विषयावर चर्चा होत असून यातील राजकारण टाळले पाहिजे. सोमवारी उपमुख्यमंत्री अजित पवार यांना कोल्हापुरात भेटणार असून इंदिरा गांधी रुग्णालय, वस्त्रोद्योगाबाबत प्रश्न मांडणार असल्याचे त्यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 12, 2021 8:25 pm

Web Title: district hospital status of cpr in kolhapur canceled says prakash awade srk 94
टॅग : Kolhapur
Next Stories
1 मुंबई-ठाण्यासह रायगड, रत्नागिरीमध्ये मुसळधार पावसाची शक्यता
2 Video : भारतीय राजकारणातील पीके… प्रशांत किशोर!
3 Video : “… त्यामुळे अजित पवार हेच एक दिवस आघाडीचं सरकार पाडतील”
Just Now!
X