News Flash

नाशकात भाजपा आमदाराच्या मंडळाकडून डीजेचा दणदणाट; कोर्टाचा आदेश धुडकावला

ध्वनीप्रदुषण होत असल्याने गणेश विसर्जन मिरवणुकांमध्ये डीजे वाजवण्यास मुंबई हायकोर्टाने बंदी घातली आहे. मात्र, नाशिकमध्ये आमदार बाळासाहेब सानप यांनी कोर्टाच्या आदेशाला केराची टोपली दाखवली आहे.

नाशिकमधील भाजपा आमदार बाळासाहेब सानप यांच्या गणेश मंडळाने मुंबई होयकोर्टाच्या आदेशाला धुडकावत डीजेला सुरुवात केली आहे.

ध्वनीप्रदुषण होत असल्याने गणेश विसर्जन मिरवणुकांमध्ये डीजे वाजवण्यास मुंबई हायकोर्टाने बंदी घातली आहे. मात्र, नाशिकमध्ये आमदार बाळासाहेब सानप यांनी कोर्टाच्या आदेशाला केराची टोपली दाखवली आहे. सानपांच्या तपोवन मित्र मंडळाच्या गणपती मिरवणुकीत डीजेचा दणदणाट सुरु असून यात त्यांचे पुत्र नगरसेवक मच्छिंद्र सानपही थिरकले आहेत. सुत्रांनी यासंदर्भात माहिती दिली आहे.

आमदार बाळासाहेब सानप हे मंत्री गिरीश महाजन यांच्या जवळचे मानले जातात. दरम्यान, नाशिकमध्ये मुख्य मिरवणूक मार्गावर २१ गणेश मंडळे दाखल झाली असून मिरवणूक सुरुळीत सुरु आहे. यात काही गणेश मंडळांनी कोर्टाचे आदेश धुडकावत डीजे वाजवण्यास सुरुवात केली आहे.

दरम्यान, राज्यभरात गणेश मंडळांनी कोर्टाच्या डीजे बंदीच्या आदेशाचे पालन केल्याचे चित्र असून पुण्यात मात्र या आदेशाला हरताळ फासण्यात आली. पुण्यातील कुमठेकर रस्त्यावरील बहुतेक मंडळांनी रात्री सात वाजल्यानंतर डीजे वाजवण्यात सुरुवात केली. डीजे वाजवणाऱ्या मंडळांची नोंद पोलीस करीत आहेत. त्यानंतर उद्या या मंडळांवर गुन्हे दाखल केले जाऊ शकतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 23, 2018 8:42 pm

Web Title: dj start from bjps mla balasaheb sanaps ganesh manadal in nashik
Next Stories
1 Video : आजपासून ७० वर्षांपूर्वी असा होता मुंबईतील विसर्जन सोहळा
2 नद्यांच्या स्वच्छतेसाठी आता ‘ड्रोन बोट’चा पर्याय; पहिली चाचणी यशस्वी
3 रायगडमधील देवकुंड धबधब्याजवळ तीन पर्यटक बुडाले; इंद्रायणीत एका गणेशभक्ताला जलसमाधी
Just Now!
X