गतिरोधकामुळे शहरातील एका प्रसिद्ध डॉक्टरला आपले प्राण गमवावे लागले. शनिवारी पहाटे चाळीसगाव रस्त्यावर ही घटना घडली. शहरातील देवपूर परिसरातील आनंदनगरमधील रहिवासी डॉ. दिलीप रामभाऊ बोरसे (५५) हे शनिवारी पहाटे अडीचच्या सुमारास मित्रासह घराकडे येत असताना दफनभूमीजवळील गतिरोधकावरून त्यांची मोटारसायकल जोरात आदळली. मागील बाजूस बसलेले डॉ. बोरसे हे खाली पडले. डोक्याला गंभीर मार बसला. रुग्णालयात वैद्यकीय अधिकाऱ्यांनी त्यांना मृत घोषित केले.
