News Flash

पुणे पोलिसांना पुन्हा आव्हान; पोलीस आयुक्त कृष्ण प्रकाश यांच्यानंतर PSI च्या नावे बनावट फेसबुक अकाउंट

बनावट फेसबुक तयार करून युर्जसकडे पैशांची मागणी

पुणे पोलिसांना पुन्हा आव्हान; पोलीस आयुक्त कृष्ण प्रकाश यांच्यानंतर PSI च्या नावे बनावट फेसबुक अकाउंट

पिंपरी-चिंचवडचे पोलीस आयुक्त कृष्ण प्रकाश यांच्या नावे बनावट फेसबुक अकाउंट तयार करून युजर्सकडे पैसे मागितल्याचा प्रकार नुकताच घडला होता. याप्रकरणी त्यांनी अधिकृत फेसबुक पेजवर पोस्ट शेअर करत बनावट फेसबुक आणि आर्थिक फसवणूकीपासून सावध राहा अस म्हटलं होतं. या घटनेला पाच दिवस उलटून गेले असून पोलीस आयुक्तालयातील एका पोलीस उपनिरीक्षकाच्या नावे बनावट फेसबुक अकाउंट तयार करून युजर्स, मित्रांकडे पैसे मागितल्याचे प्रकरण पुन्हा समोर आलं आहे. त्यामुळे पोलिसांना कोणी आव्हान देत आहे का ? असा प्रश्न या निमित्ताने उपस्थित होत आहे.

पिंपरी-चिंचवड पोलीस आयुक्तालयाचे पोलीस आयुक्त कृष्ण प्रकाश यांचं गेल्या आठवड्यात फेसबुकवरील प्रोफाइल फोटोचा वापर करून बनावट अकाउंट तयार करण्यात आलं होतं. त्यावरून त्यांच्या मित्रांकडे आणि इतर फेसबुक युजर्सकडे दहा हजार रुपयांची मागणी करण्यात आली होती. हे समजल्यानंतर याप्रकरणी आयुक्त कृष्ण प्रकाश यांनी अधिकृत फेसबुक पेजवर बनावट अकाउंटवरून पैसे मागितल्याचा फोटो आणि मजकूर पोस्ट केला होता. तसंच त्यांनी अशा बनावट फेसबुक अकाउंटपासून आणि आर्थिक फसवणुकीपासून सावध राहा असं म्हटलं होतं. संबंधित व्यक्तीवर कारवाई करण्यात येईल अशी माहिती त्यांनी दिली होती.

या घटनेला पाच दिवस उलटल्यानंतर पोलीस आयुक्तालयातील एका पोलीस उपनिरीक्षकाचा फेसबुक प्रोफाइल फोटो, नाव वापरून अज्ञात व्यक्तीने बनावट अकाउंट तयार केले. त्यांच्या अनेक मित्रांना फ्रेंड रिक्वेस्ट पाठवली, त्यानंतर फेसबुकच्या मेसेंजरवर पैशांची मागणी केली. काही मित्रांनी फोन करून कशाला पैसे हवेत असं त्या पोलीस उपनिरीक्षकाला विचारलं. तेव्हा झालेला प्रकार पोलीस उपनिरीक्षकाच्या लक्षात आला. त्यानंतर त्यांनी तातडीने अधिकृत फेसबुकवर पोस्ट करून संबंधित घटनेची माहिती युर्जसना दिली आणि आर्थिक फसवणुकीपासून इतरांना रोखलं. पोलीस याप्रकरणी तपास करत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 28, 2020 10:43 am

Web Title: duplicate facebook account of psi after police commissioner krishna prakash kjp 91 sgy 87
Next Stories
1 ‘आयटी हब’ला जोडणारे रस्ते खड्डय़ांत
2 लोकजागर : अशिक्षण समिती
3 Coronavirus : उद्योगनगरीतही करोना नियंत्रणात
Just Now!
X