19 September 2020

News Flash

सिंधुदुर्गात ई-ऑफिस कार्यप्रणालीचे २४ डिसेंबरला उद्घाटन

देशातील पहिला ई-ऑफिस कार्यप्रणाली उपक्रम सिंधुदुर्ग जिल्ह्य़ात राबविला जात असून, येत्या २४ डिसेंबर रोजी मुख्यमंत्री ना. पृथ्वीराज चव्हाण यांच्या हस्ते प्रकल्पाचा शुभारंभ होणार आहे.

| December 19, 2012 07:11 am

देशातील पहिला ई-ऑफिस कार्यप्रणाली उपक्रम सिंधुदुर्ग जिल्ह्य़ात राबविला जात असून, येत्या २४ डिसेंबर रोजी मुख्यमंत्री ना. पृथ्वीराज चव्हाण यांच्या हस्ते प्रकल्पाचा शुभारंभ  होणार आहे. देशात सिंधुदुर्ग व नांदेड या दोन जिल्ह्य़ांत प्रथमत: ई-ऑफिस कार्यप्रणाली राबविण्यासाठी निवड करण्यात आली आहे. ई-ऑफिस कार्यप्रणालीमुळे प्रशासकीय यंत्रणा पेपरलेस होणार आहे.  सर्व कार्यालयात  संगणक, लॅपटॉप उपलब्ध करण्यात आले आहेत तसेच अधिकाऱ्यांना प्रशिक्षणही  देण्यात आले. त्यानंतर आता ई-ऑफिस कार्यप्रणालीस प्रारंभ होणार आहे. ई-ऑफिस कार्यप्रणाली वापरणारा सिंधुदुर्ग देशातील पहिला जिल्हा ठरणार आहे. ई-ऑफिस कार्यप्रणालीचा शुभारंभ मुख्यमंत्री ना. पृथ्वीराज चव्हाण यांच्या हस्ते २४ डिसेंबर रोजी करण्याचे निश्चित करण्यात आले आहे. त्यामुळे जिल्हाधिकाऱ्यांसह सारी यंत्रणा ई-ऑफिस कार्यप्रणालीच्या जय्यत तयारीत गुंतली आहे. मुख्यमंत्री ना. चव्हाण यांचा दौरा निश्चित झाल्याचे प्रशासनाच्या वतीने जाहीर करण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 19, 2012 7:11 am

Web Title: e office system opening on 24 december in sindhudurg
Next Stories
1 अमरकोश पाठांतर स्पर्धेत ५७० विद्यार्थी सहभागी
2 पुण्यात इमारतीच्या घुमटाचा स्लॅब कोसळून १३ ठार
3 आधार कार्ड नसले तरी कोणीही योजनांपासून वंचित नाही – मुख्यमंत्री
Just Now!
X