सक्तवसुली संचलनालयाने (ईडी) राज्याचे माजी गृहमंत्री अनिल देशमुख यांच्या निवास्थानी छापेमारी करून कारवाई केल्यानंतर व त्यांच्या स्वीय सहाय्यकांना अटक केल्यापासून, पुन्हा एकदा राज्यातील राजकीय वर्तुळात आरोप-प्रत्यारोपांना उधाण आलं आहे. विरोधी पक्ष असलेल्या भाजपा नेत्यांकडून महाविकासआघाडी सरकारमधील नेत्यांवर निशाणा साधला जात आहे. तर, २०१९च्या महाराष्ट्र विधानसभा निवडणुकांपूर्वी ED नं राष्ट्रवादी काँग्रेसचे अध्यक्ष शरद पवार आणि राज्याचे सध्याचे उपमुख्यमंत्री अजित पवार यांच्यावर महाराष्ट्र राज्य सहकारी बँकेत झालेल्या कथित २५ हजार कोटींच्या घोटाळ्याप्रकरणी गुन्हा दाखल केला होता. त्याचसंदर्भात आज ईडीनं मोठी कारवाई करत साताऱ्यातील जरंडेश्वर सहकारी साखर कारखान्याची मालमत्ता, इमारत आणि जमीन जप्त केली आहे. यावरून आता भाजपा नेते आमदार अतुल भातखळकर यांनी ट्विटद्वारे टिप्पणी केली आहे. सातारा : जरंडेश्वर साखर कारखाना ED कडून जप्त; अजित पवार अडचणीत येणार? “EDचा तपास आता बारामतीच्या दिशेने जातोय. देशमुखानंतर कोण, या प्रश्नांच्या उत्तरा दाखल अनेक नावे सांगता येतील अशी स्थिती आहे. चौकशीचा फास आवळल्यानंतर आता अनेकांना वय आठवू लागलंय.” असं भाजपा नेते अतुल भातखळकर म्हणाले आहेत. “खरे सूत्रधार ‘सिल्व्हर ओक’ आणि ‘वर्षा’वर बसलेत” तर, या अगोदर, ईडीची कारवाई ज्यांच्यावर झाली ते अनिल देशमुख आणि त्याच प्रकारचे आरोप असलेले अनिल परब ही प्यादी आहेत. खरे सूत्रधार सिल्व्हर ओक आणि वर्षावर बसले आहेत. असं देखील भातखळकर म्हणालेले आहेत. “कायद्यासमोर कोणालाही पळवाट काढता येत नाही” ; दरेकरांचा अनिल देशमुखांवर निशाणा दरम्यान, कोणत्या प्रकरणाचा तपास सुरू आहे? प्रकरण नेमके काय आहे? नेमकी कोणती कागदपत्रे हवी आहेत? हे जोवर स्पष्ट होत नाही तोवर तपास प्रक्रि येस सहकार्य करणे शक्य नाही, अशी भूमिका तत्कालीन गृहमंत्री अनिल देशमुख यांनी मंगळवारी सक्तवसुली संचलनालयाला(ईडी) पत्राद्वारे कळविली आहे. आर्थिक गैरव्यवहारप्रकरणी ईडीने देशमुख यांना दुसरे समन्स जारी करून मंगळवारी चौकशीस हजर राहाण्याची सूचना केली होती. मात्र देशमुख यांच्याऐवजी त्यांचे अधिकृ त प्रतिनिधी म्हणून अ‍ॅड. इंदरपाल सिंग यांनी ईडी अधिकाऱ्यांची भेट घेतली. “…आता मुंबईतून ‘ईडी’ कार्यालयात जायचं म्हटलं की वय, आजार आठवायला लागले” तसेच, देशमुख यांनी या पत्रात वय, सहव्याधी, संसर्गभय आदी कारणांमुळे प्रत्यक्ष चौकशीस हजर राहाणे शक्य नाही. त्याऐवजी दृक-श्राव्य (ऑडिओ-व्हिज्युअल) माध्यमातून कोणत्याही वेळेस चर्चा करण्यास, तपास प्रक्रि येस सहकार्य करण्यास तयार आहे. गेल्या आठवड्यात तपास यंत्रणेने निवासस्थानी छापा घालून शोधाशोध के ली, जबाब नोंदवला. त्या प्रक्रि येस पूर्णपणे सहकार्य केले होते, असे नमूद केलेले आहे. यावरून देखील आपल्या ट्विटमध्ये भातखळकरांनी टोला लगावल्याचे दिसून आले आहे.
