News Flash

सोलापुरात विष प्राशन करून शेतकऱ्याची आत्महत्या

नैराश्यापोटी शेतकऱ्याने ऊसाच्या शेतातच विष प्राशन केले.

ऊस पीक पाण्याअभावी जळू लागल्याने व शेतातील बोअर कोरडे पडल्याने नैराश्यापोटी शेतकऱ्याने ऊसाच्या शेतातच विष प्राशन करुन आपली आत्महत्या केल्याची घटना ढवळस (ता. माढा, जि. सोलापूर) येथे घडली.

ऊस पीक पाण्याअभावी जळू लागल्याने व शेतातील बोअर कोरडे पडल्याने नैराश्यापोटी शेतकऱ्याने ऊसाच्या शेतातच विष प्राशन करुन आपली आत्महत्या केल्याची घटना ढवळस (ता. माढा, जि. सोलापूर) येथे घडली. मधुकर कर्ण ढवळे (वय ४७) असे या आत्महत्या केलेल्या शेतकऱ्याचे नाव आहे.

ढवळे यांना दोन एकर जमीन आहे. यापैकी त्यांनी यावर्षी दिड एकर क्षेत्रावर ऊसाची लागवड केली होती. ढवळे यांनी शेतात घेतलेले बोअरही कोरडे पडले होते. त्यांनी बोअरमधील जुनी नादूरूस्त विद्युत मोटर काढून नवीन मोटार खरेदी केली होती. मात्र ती बोअरमध्येच अडकली होती. दुसरी मोटर टाकली, ती सुध्दा बोअरमध्ये अडकली. दोन्ही मोटर बोअरमध्येच अडकल्या. त्यातच उसाला पाणी न मिळाल्याने ऊस जळून जाऊ लागल्याने व आर्थिक चणचणीमुळे ढवळे हे मानसिक तणावाखाली होते. याच नैराश्यापोटी त्यांनी सोमवारी रात्री उशिरा स्वत:च्या ऊसाच्या शेतात विष प्राशन केले. त्यांना गंभीर अवस्थेत बार्शी येथील खासगी रूग्णालयात दाखल करण्यात आले. मात्र उपचारादरम्यान ढवळे यांचा मंगळवारी मृत्यू झाला. ढवळे यांच्या मागे आई, पत्नी, दोन मुले असा परिवार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 22, 2017 7:05 pm

Web Title: farmer suicide by poisoning in solapur
Next Stories
1 मुख्यमंत्री आणि अजित पवारांच्या एकत्र प्रवासामुळे राजकीय चर्चांचा ‘टेकऑफ’
2 कोपर्डी बलात्कार व हत्याप्रकरण: दोषींच्या शिक्षेचा फैसला २९ नोव्हेंबरला
3 शरद पवार, सुप्रिया सुळेंबद्दल आक्षेपार्ह ट्विट करणाऱ्या तरुणाला नागपूरमधून अटक
Just Now!
X