24 October 2020

News Flash

वडेट्टीवार यांच्या दौऱ्यादरम्यान घोषणाबाजी

पीक विम्याची मागणी करत शेतकरी रस्त्यावर

मुखेड तालुक्यातील सलगरा येथे वडेट्टीवार यांनी नुकसान झालेल्या शेतीची पाहणी केली.

पीक विम्याची मागणी करत शेतकरी रस्त्यावर

नांदेड :  लातूर येथील अतिवृष्टीमुळे झालेल्या नुकसान भरपाईच्या पाहणीसाठी जाताना मदत व पुनर्वसन मंत्री विजय वडेट्टीवर यांनी मुखेडमधील काही भागात पाहणी केली. या दरम्यान सलगरा येथील शेतकऱ्यांनी आघाडी सरकारच्या विरोधात घोषणाबाजी केली. तातडीने पीक विमा मंजूर करण्यासाठी सरकारने पुढाकार घ्यावी अशी शेतकऱ्यांची मागणी होती.

नांदेड ते लातूर हा रस्ता खराब असल्याने पुनर्वसन मंत्री विजय वडेट्टीवार यांनी मुखेड मार्गे लातूरला जाणे पसंत केले. या मार्गावरील काही शेतांची त्यांची पाहणी केली. मात्र, त्यांनी पाहणीसाठी कमी वेळ दिल्याने त्यांनी एक सोपस्कार पूर्ण केल्याचा आरोप शेतकऱ्यांनी केला.  अतिवृष्टीमुळे बाधित क्षेत्रातील शेतकऱ्यांना मदत मिळावी अशी मागणी होत असल्याने सरकारकडून पाहणी दौरे सुरू झाले आहेत.  कृषी मंत्री दादा भुसे यांनी अलीकडेच मुखेड भागाचा दौरा केला.  त्यांची गाडी शेतकऱ्यांनी अडवली होती. त्यामुळे वडेट्टीवार यांच्या दौऱ्यांची माहिती  प्रशासनाने जाहीर केली नाही. वडेट्टीवार नांदेड मार्गे लातूरला जाणार असल्याचे रविवारी सकाळी समजल्यानंतर पीक विम्याच्या मागणीसाठी शेतकऱ्यांनी घोषणाबाजी केली.

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 19, 2020 12:02 am

Web Title: farmers demanding crop insurance to vijay wadettiwar zws 70
Next Stories
1 “आम्हाला खात्री आहे एकनाथ खडसे भाजपा सोबत राहतील”
2 राज्यात दिवसभरात ११ हजार २०४ जण करोनामुक्त, १५० रुग्णांचा मृत्यू
3 भाजपा पक्ष सोडलेला नाही, राजीनामा दिलेला नाही-एकनाथ खडसे
Just Now!
X