मिरजेतील कॉंग्रेसचे बंडखोर आणि अपक्ष म्हणून निवडणुकीच्या रिंगणात उतरलेले उमेदवार चंद्रकांत सांगलीकर यांच्याविरोधात पैसे वाटल्याच्या आरोपावरून मंगळवारी गुन्हा दाखल करण्यात आला. या घटनेमध्ये पोलीसांनी दोघांना पैसे वाटताना रंगेहाथ पकडले असून, त्यांच्याकडून एक लाख ८७ हजार रुपयांची रोकड जप्त करण्यात आली आहे. त्यांनी दिलेल्या माहितीवरून सांगलीकर यांच्याविरोधात मिरजेतील एमआयडीसी पोलीस ठाण्यामध्ये गुन्हा दाखल करण्यात आला. पोलीसांनी अद्याप सांगलीकर यांना ताब्यात घेतले नसून, अधिक तपास करण्यात येत आहे.
