24 November 2020

News Flash

पंकजा मुंडे यांच्यावर गुन्हा दाखल

खासदार भागवत कराड, महादेव जानकर यांच्यासह ५० जणांवर गुन्हे दाखल

जिल्हाधिकार्‍यांच्या जमावबंदी आदेशाचे उल्लंघन करुन सावरगाव घाट (ता.पाटोदा) येथे दसरा मेळावा घेऊन गर्दी जमवल्याप्रकरणी भाजपच्या राष्ट्रीय सचिव पंकजा मुंडे, राज्यसभा सदस्य भागवत कराड, माजी मंत्री महादेव जानकरांसह पन्नास जणांविरुध्द अंमळनेर(ता.पाटोदा) पोलिस ठाण्यात गुन्हा दाखल झाला आहे.

बीड जिल्ह्यातील सावरगाव घाट(ता.पाटोदा) येथे संत भगवानबाबांच्या जन्मस्थळी रविवार दि. 25 ऑक्टोंबर रोजी दसरा मेळावा झाला. दोन वर्षाची परंपरा असलेला मेळावा करोना महामारीमुळे ऑनलाईन झाला. माजी मंत्री पंकजा मुंडे यांनी ऑनलाईन मार्गदर्शन केले. मात्र यावेळी जिल्हाधिकार्‍यांच्या जमावबंदी आदेशाचे उल्लंघन झाल्याप्रकरणी पोलिसांनी कारवाई केली.

रविवारी रात्री उशिरा जिल्हा विशेष शाखेचे कर्मचारी किसन सानप यांच्या तक्रारीवरुन माजी मंत्री पंकजा मुंडे, राज्यसभा सदस्य भागवत कराड, माजी मंत्री महादेव जानकर, आमदार मेघना बोर्डीकर, आ.मोनिका राजळे, माजी आमदार भीमराव धोंडे, सविता गोल्हार, पाटोदा पंचायत समिती सभापती सुवर्णा लांबरुड, सरपंच राजेंद्र सानप, राजाभाऊ मुंडे व इतर पन्नास जणांविरुध्द कलम 188, 269, 270 आपत्ती व्यवस्थापन कायदा कलम 51 (ब) प्रमाणे गुन्हा दाखल झाल्याची माहिती पोलिसांनी दिली

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 27, 2020 9:02 am

Web Title: fir registered against bjp pankaja munde mahadev jankar and 50 nck 90
Next Stories
1 सामाजिक कार्यकर्त्याच्या आत्मदहन प्रकरणी सहा जणांवर गुन्हा
2 हिंदुत्व हे थाळ्या, घंटा बडवण्यापुरते नाही तसे दाढी-मिश्यांपुरते मर्यादित नाही : शिवसेना
3 कांदळवने किडीच्या भक्ष्यस्थानी
Just Now!
X