वसई: पालघर स्थानिक गुन्हे शाखेच्या सहायक पोलीस निरीक्षक सिद्धवा जायभाई यांच्यावर शनिवारी रात्री दोन अज्ञात इसमानी गोळ्या झाडल्या. मुंबई अहमदाबादगुभेगुन्हे महामार्गावर शनिवारी रात्री पावणे नऊच्या सुमारास ही घटना घडली. हल्लेखोरांनी एक राउंड गोळी सिद्धवा यांच्या गाडीवर झाडली. सुदैवाने सिद्धवा यात त्या बचवल्या आहेत. याबाबत माहिती देताना विरार पोलिस स्टेशनचे वरीष्ठ पोलीस निरीक्षक विवेक सोनवणे म्हणाले की, सहाय्यक पोलीस निरीक्षक सिद्धवा जायभाई आपल्या वाहनातून पालघरच्या दिशने जात होत्या. रात्री पावणे नऊ च्या सुमारास हॉटेल नॉवेल्टी येथे दुचाकीवरून आलेल्या दोन हल्लेखोरांनी त्याच्या गाडीवर एक गोळी झाडली, ती गोळी चुकली आणि सिद्धवा यांच्या गाडीच्या बोनेट ला लागली हल्लेखोरांनी आपल्या चेहऱ्यावर मुखवटा घातला होता आणि काळे जॅकेट परिधान केले होते. त्यांच्या शोधासाठी सर्वत्र नाकाबंदी करण्यात आली आहे.
