पैशांच्या कारणावरून जामखेडमध्ये एका एसटी वाहकावर गोळीबार करण्यात आल्याची घटना घडली आहे. सुग्रीव गहिनीनाथ जायभाय (वय ४३) असे जखमी व्यक्तीचे नाव आहे. जायभाय यांच्यावर अहमदनगर येथील रूग्णालयात उपचार सुरू आहेत. सावकारने गोळीबार करण्यात आल्याचे सांगण्यात येते. पोलीस तपास करत आहेत. अधिक माहिती अशी, सुग्रीव जायभाय हे एसटी महामंडळात वाहक म्हणून कार्यरत आहेत. त्यांनी एका खासगी सावकाराकडून ५ हजार रूपये व्याजाने घेतले होते. या पैशांच्या कारणावरून वाद झाल्याने संशयित व्यक्तीने जायभाय यांच्यावर गोळीबार केला. यात जायभाय हे जखमी झाले असून त्यांच्यावर रूग्णालयात उपचार सुरू आहेत. जायभाय हे एसटी महामंडळाच्या नगर कार्यालयात वाहक म्हणून कार्यरत आहेत. जामखेड पोलीस पुढील तपास करत आहेत.
