News Flash

गोविंद पानसरे यांच्यावरील हल्ल्याप्रकरणी पाच संशयित ताब्यात

कॉम्रेड गोविंद पानसरे यांच्यावरील हल्ल्याप्रकरणी कोल्हापूर पोलीसांकडून पाच संशयितांना ताब्यात घेण्यात आल्याचे समजते.

| February 16, 2015 08:45 am

कॉम्रेड गोविंद पानसरे यांच्यावरील हल्ल्याप्रकरणी कोल्हापूर पोलीसांकडून पाच संशयितांना ताब्यात घेण्यात आल्याचे समजते. कामगारांच्या आणि सर्वसामान्यांच्या हक्कांसाठी आयुष्यभर लढा देणारे कॉम्रेड गोविंद पानसरे आणि त्यांची पत्नी उमा यांच्यावर सोमवारी सकाळी कोल्हापूरमध्ये दोन अज्ञात व्यक्तींकडून प्राणघातक हल्ला करण्यात आला होता. सोमवारी संध्याकाळी याप्रकरणी पाच तरूणांना ताब्यात घेण्यात आले असले तरी, पोलीसांनी अद्यापपर्यंत त्यांची ओळख आणि माहिती जाहीर केलेली नाही. सध्या या तरूणांची कसून चौकशी केली जात असून गेल्या दोन दिवसांतील त्यांच्या मोबाईल फोन्सचे रेकॉर्डही पडताळले जात आहेत. हल्ल्याच्यावेळी हे तरूण नेमके कोणत्या ठिकाणी होते, याबद्दलही चौकशी केली जात आहे. त्यानंतर हल्लेखोरांना पकडण्यासाठी पोलीस युद्धपातळीवर कामाला लागले होते. मुख्यमंत्री देवेंद्र फडणवीस यांनीदेखील पानसरे यांच्यावरील हल्ल्याचा शोध घेण्यासाठी पोलीसांची १० पथके तयार करण्यात आल्याचे सांगितले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 16, 2015 8:45 am

Web Title: five accused in custody regarding attack on govind pansare
Next Stories
1 व्हिडिओ : निवडणुकीच्या रणांगणात आबांचे मोदींवर टीकास्त्र
2 आबांचा प्रवास : जिल्हा परिषद सदस्य ते उपमुख्यमंत्री
3 जीवन गौरव पुरस्काराने प्रभा अत्रे सन्मानित
Just Now!
X