गडचिरोलीच्या धानोरा परिसरात असलेल्या कोसमी-किसनेली जंगलात सी ६० च्या जवानांनी सहा नक्षलवाद्यांना ठार केलं आहे. हे जवान नक्षलविरोधी कारवाई करत असताना त्यांच्यावर काही नक्षल्यांनी हल्ला केला. प्रत्युत्तरादाखल सी ६० च्या जवानांनी नक्षलवाद्यांच्या दिशेने गोळीबार केला. यामध्ये पाच नक्षलवाद्यांना ठार करण्यात सी ६० च्या जवानांना यश आलं आहे. ठार झालेल्या नक्षलवाद्यांमध्ये चार महिला आणि दोन पुरुषांचा समावेश आहे. Maharashtra: Five naxals killed in Gyarapatti area of Gadchiroli district, during an operation today. — ANI (@ANI) October 18, 2020 गडचिरोली येथील धानोरा अंतर्गत येणाऱ्या पोलीस मदत केंद्र ग्यारापती हद्दीतील कोसमी-किसनेली जंगल परिसरात पोलीस अधीक्षक अंकित गोयल यांच्या मार्गदर्शनाखाली अप्पर पोलीस अधीक्षक मनीष कलवानिया व पोलीस उपअधीक्षक भाऊसाहेब ढोले यांच्या नेतृत्वाखाली सी ६० चे कमांडो नक्षलविरोधी अभियान राबवित असताना नक्षलवाद्यांनी जवानांवर हल्ला केला. प्रत्युत्तरादाखल सी ६० जवानांनी नक्षलवाद्यांच्या दिशेने गोळीबार केला. सहा नक्षलवाद्यांना ठार करण्यात सी ६० जवानांना यश आले.घटनास्थळी नक्षलविरोधी अभियान तीव्र करण्यात आले आहे.