05 March 2021

News Flash

फ्लेमिंगो पक्ष्यांची सोलापूरकरांना साद

भारतात गुजरात, राजस्थान भागात या पक्ष्यांचा वावर

यंदा दीपावली सरत असतानादेखील थंडीचा अनुभव अद्यापि घेता येईना. सोलापुरातील तापमान ३६ अंश सेल्सियसच्या घरात असल्याने सारेजण थंडीच्या प्रतीक्षेत आहेत. परंतु येथील थंडीचा मोसम गृहीत धरून सैबेरियासारख्या दूरच्या भागातून सोलापूरच्या हिप्परगा तलाव परिसरात फ्लेमिंगो (अग्निपंख) हे परदेशी पक्षी दाखल झाले आहेत.
हिप्परगा तलावासह उजनी धरण परिसरातही फ्लेमिंगो पक्षी दाखल होऊन निसर्गप्रेमींना साद घालत आहेत. वाढत्या जलप्रदूषणामुळे फ्लेमिंगो पक्ष्यांची सोलापुरात येण्याची संख्या मात्र घटत चालली आहे. याबाबतची माहिती पक्ष्यांसह एकूणच पर्यावरणाचे अभ्यासक पांडुरंग दरेकर यांनी दिली.
भल्या सकाळी फ्लेमिंगो पक्ष्यांनी आपले पंख फुलविल्यानंतर आतील लालभडक रंगाची होणारी पखरण हे दृश्य मनमोहक असते. तलाव परिसरात आपले खाद्य मिळविण्यासाठी विणीच्या हंगामात फ्लेमिंगो पक्षी दरवर्षी हिवाळ्यात सुमारे चार हजार किलोमीटर अंतर कापून सोलापुरात येतात. पाण्यातील विशिष्ट प्रकारचे शाकाहारी शेवाळ हे त्यांचे खाद्य असते. भारतात गुजरात, राजस्थान भागात या पक्ष्यांचा वावर असतो. सोलापुरातून नंतर हे पक्षी पुढे दक्षिणेकडे जातात. पांडुरंग दरेकर हे पक्षीतज्ज्ञ डॉ. अरिवद कुंभार यांच्या मार्गदर्शनाखाली पक्षी व पर्यावरण विषयावर पीएच.डी. करीत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 16, 2015 3:20 am

Web Title: flamingo in solapur
टॅग : Flamingo,Solapur
Next Stories
1 दिवाळी सुटीमुळे महाबळेश्वर, पाचगणी हाऊसफुल्ल
2 साहित्य संमेलनात २२ नोव्हेंबर रोजी पुरस्कारांचे वितरण
3 ‘कोमसाप’च्या पदांसाठी ‘खो खो’ सुरूच
Just Now!
X