03 June 2020

News Flash

महापालिका निवडणुकीच्या तोंडावर औरंगाबादेत भाजपाला धक्का!

माजी शहराध्यक्ष किशनचंद तनवाणी शिवसेनेत परतले; माजी महापौर बारवाल यांचा देखील प्रवेश

महापालिका निवडणुकीच्या तोंडावर औरंगाबादमध्ये भाजपाला शिवसेनेकडून धक्का देण्यात आला आहे. भाजपाचे माजी शहाराध्यक्ष किशनचंद तनवाणी हे स्वगृही परतले आहेत. शिवसेना पक्ष प्रमुख व मुख्यमंत्री उद्धव ठाकरे यांच्या हस्ते त्यांनी पुन्हा एकदा शिवबंधन हाती बांधले आहे. त्यांच्याबरोबरच शिवसेनेतूनच भाजपात गेलेले माजी महापौर गजनान बारवाल यांनी देखील घरवापसी केली आहे.

‘मातोश्री’वर आज या दोघांनी शिवसेनेत प्रवेश केला. याप्रसंगी जिल्ह्याचे पालकमंत्री सुभाष देसाई, औरंगाबाद पश्चिम विभागाचे आमदार संजय शिरसाट, आमदार अंबादास दानवे,  मिलिंद नार्वेकर यांची उपस्थिती होती.

स्थानिक भाजपामधली राजकारणाला कंटाळून तनवाणींनी हा निर्णय घेतला असल्याचे बोलले जात आहे. शिवाय, आगामी काही दिवसातच भाजपामधील अनेक आजी-माजी नगरसेवक देखील शिनवसेनेत प्रवेश करतील, अशी देखील चर्चा आहे.

एप्रिल महिन्यात औरंगाबाद महापालिकेची निवडणूक होणार आहे. यासाठी काँग्रेस-राष्ट्रवादी-शिवसेना पुन्हा महाविकासआघाडीद्वारे निवडणूक लढवणार असल्याचे दिसत आहे. तर मनसे व भाजपाने स्वबळाचा नारा दिलेला आहे. शिवाय, औरंगाबादेत एमआयएमचे देखील आवाहन असणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 19, 2020 6:39 pm

Web Title: former bjp city president kishanchand tanwani joins shiv sena msr 87
Next Stories
1 ठाण्यातील तरुणीचा हडसर किल्ल्यावरून पडून मृत्यू
2 Loksatta Poll: महाराष्ट्रात मध्यावधी निवडणुका झाल्यास होणार ‘टफ फाईट’
3 Video: बेल्जियमचा शिवप्रेमी.. २ महिन्यात २०० गडकिल्ल्यांना दिली भेट
Just Now!
X