काँग्रेसचे ज्येष्ठ नेते, माजीमंत्री तथा शिक्षणमहर्षी डॉ. बळीराम वामनराव हिरे (८४) यांचे वृध्दापकाळाने निधन झाले. त्यांच्या पश्चात पत्नी, मुलगा प्रसाद, दोन मुली, सून, जावई व नातवंडे असा परिवार आहे. गांधी कुटुंबियांचे अतिशय निकटवर्तीय म्हणून ते ओळखले जात. काही वर्षांपूर्वी डॉ. हिरे यांच्यावर हृदयाजवळ शस्त्रक्रिया करण्यात आली होती. मालेगाव तालुक्यातील निमगाव येथे १६ डिसेंबर १९३१ रोजी जन्मलेल्या हिरे यांनी वैद्यकीय, राजकीय, सामाजिक, सहकार व शैक्षणिक क्षेत्रात मोलाचे योगदान दिले होते.
