15 August 2020

News Flash

गाडगीळ अहवालाविरोधात आंदोलन करण्याचे राणेंचे कार्यकर्त्यांना आवाहन

आपला पक्षनेतृत्वावर विश्वास असून जे काही चांगले व्हायचे ते कॉंग्रेसमध्येच होईल. मुख्यमंत्री पदाबाबत पक्ष नेतृत्वाकडून आपली फसवणूक झाल्याचा इन्कार उद्योगमंत्री नारायण राणे यांनी शिर्डीत साईदरबारी

| October 15, 2012 04:23 am

आपला पक्षनेतृत्वावर विश्वास असून जे काही चांगले व्हायचे ते कॉंग्रेसमध्येच होईल. मुख्यमंत्री पदाबाबत पक्ष नेतृत्वाकडून आपली फसवणूक झाल्याचा इन्कार उद्योगमंत्री नारायण राणे यांनी शिर्डीत साईदरबारी केला. पर्यावरण तज्ञ माधव गाडगीळ यांनी दिलेल्या अहवालावर राणे यांनी नाराजी व्यक्त करत त्यांचा निषेध करा, काळे झेंडे दाखवा, आंदोलन करा, असा इशारा सिंधूदुर्गमधील जिल्हा कॉंग्रेसच्या पदाधिकाऱ्यांना दिला.
सिंधूदुर्ग जिल्ह्य़ातील काँग्रेसच्या कार्यकर्त्यांचे प्रशिक्षण शिबिर शिर्डी येथे शनिवारी आयोजित केले होते. यावेळी राणे यांनी मार्गदर्शन केले. खासदार डॉ. निलेश राणे, स्वाभीमान संघटनेचे अध्यक्ष नितेश राणे, जिल्हा काँग्रेसचे अध्यक्ष जयंत ससाणे, राजन तेली, संदिप सावंत आदी यावेळी उपस्थित होते. शिबिरानंतर राणे यांनी पत्रकारांशी संवाद साधला. माधवराव गाडगीळ यांचा अहवाल अंमलात आणला तर कोकणातील ११ जिल्ह्य़ांच्या विकासावरच गदा येणार असल्याने आपण त्या अहवालाची अंमलबजावणी होऊ देणार नाही. यासाठी केंद्राकडे जाऊ, प्रसंगी जनआंदोलन उभारू, असा इशारा राणे यांनी दिला. मंत्रिमंडळाचा फेरबदल ही टेबल न्यूज असून या बदलाबद्दल त्यांनी कानावर हात ठेवले. अजित पवार यांच्या राजीनाम्याचे व ते मंत्रिमंडळात नसल्याचे वाईट वाटत असल्याचेही त्यांनी सांगितले. कुणाचे वाईट झालेले बघून आनंद मानणाऱ्यांपैकी आपण नसल्याची पुस्तीही त्यांनी जोडली. मध्यवर्ती निवडणुकांची शक्यता राणे यांनी फेटाळून लावली. १२६ वर्षे जुनी असलेल्या काँग्रेसला कुणी ओव्हरटेक करु शकत नसल्याचा दावा करतानाच उटसूट आरोप करणाऱ्या भाजपने आपले राज्यात काय चाललंय ते पहावे, असा सल्लाही दिला.    
राणे यांची फटकेबाजी
* पक्षनेतृत्वावर विश्वास असून जे काही व्हायचे ते कॉंग्रेसमध्येच होईल
* मुख्यमंत्री पदाबाबत नेतृत्वाकडून फसवणूक झाल्याचा इन्कार
* मंत्रिमंडळाचा फेरबदल ही टेबल न्यूज
* मध्यवर्ती निवडणुकांची शक्यता नाही
* काँग्रेसला कुणी ओव्हरटेक करु शकत नाही
* अजितदादांच्या राजीनाम्याचे व ते मंत्रिमंडळात नसल्याचे वाईट वाटते

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 15, 2012 4:23 am

Web Title: gadgil report narayan rane protest
टॅग Narayan Rane,Protest
Next Stories
1 ‘मविप्र’ वार्षिक सभाही गर्दीने तुडुंब
2 दर्डाच्या ‘कोल-गेट’ प्रकरणावर विदर्भातील भाजप नेत्यांचे मौनव्रत
3 मुख्यमंत्री दारी येऊनही पश्चिम विदर्भाची झोळी रिकामीच!
Just Now!
X