News Flash

गणपतीला सांताक्लॉजची टोपी आणि दाढी, अकोल्यात तणाव

ख्रिसमस आणि अंगारकी एकाच दिवशी असल्याने गणपतीला सांताक्लॉजची लाल रंगाची टोपी आणि दाढी लावण्यात आली होती

गणपतीला सांताक्लॉजची टोपी घातल्याने आणि दाढी लावल्याने अकोल्यात तणाव निर्माण झाला होता. गायगाव येथील गणपती मंदिरात हा प्रकार घडला. गणपतीला सांताक्लॉजप्रमाणे सजवण्यात आल्याची माहिती मिळताच बजरंग दलाचे कार्यकर्ते थेट मंदिरात पोहोचले होते. मात्र मंदिराच्या ट्रस्टींना माघार घेताच प्रकरण निवळलं.

ख्रिसमस आणि अंगारकी एकाच दिवशी असल्याने मंदिरातील पुजाऱ्याने गणपतीला सांताक्लॉजची लाल रंगाची टोपी घातली होती. इतकंच नाही तर पांढरी दाढीही लावली होती. अंगारकी असल्याने दर्शनासाठी पहाटेपासून भक्तांची गर्दी होत होती. भक्तांनी मूर्ती पाहिल्यानंतर हा प्रकार उघडकीस आला. यानंतर काही वेळातच ही माहिती सगळीकडे पसरली.

माहिती मिळताच बजरंग दलाचे कार्यकर्ते थेट मंदिरात घुसले आणि हिंदू धर्मियांच्या भावना दुखावल्या असल्याचं सांगत वाद घालण्यास सुरुवात केली. कार्यकर्त्यांनी पोलीस स्थानकात जाऊन तक्रार करण्याची धमकी दिली. मात्र मंदिराच्या ट्रस्टींनी माघार घेतल्यानंतर बजरंग दलाचे कार्यकर्ते शांत झाले. दरम्यान तणाव निर्माण झाल्याने मंदिराबाहेर पोलीस तैनात करण्यात आले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 25, 2018 9:12 pm

Web Title: ganpati decorated as santa claus in akola create ruckus
Next Stories
1 मराठा आरक्षण कोर्टात कितपत टिकेल याबाबत शंका – शरद पवार
2 हुडहुडी : राज्यात तीन दिवस थंडीची लाट
3 …तर डी. वाय. पाटलांच्या राष्ट्रवादी प्रवेशासंबंधीचा आरोप गंभीर मानला असता : अजित पवार
Just Now!
X