News Flash

मुख्यमंत्री उद्धव ठाकरेंच्या जन्मदिनी भाजपाकडून अपशकुन : हसन मुश्रीफ

भाजपाच्या कार्यकारिणीची बैठकीवरून केली टीका

संग्रहीत छायाचित्र

मुख्यमंत्री उद्धव ठाकरे यांचा वाढदिवस आज साजरा होत असताना, भाजपा त्याला अपशकुन करत आहे. त्यांच्या कामाचे कौतुक राहू द्या, किमान अपशकुन तरी करू नका. अशा शब्दात ग्रामविकास मंत्री हसन मुश्रीफ यांनी सोमवारी भाजपावर निशाणा साधला.

मुश्रीफ म्हणाले, मुख्यमंत्री उद्धव ठाकरे यांच्या पाठीशी प्रशासनाचा फारसा अनुभव नसताना, त्यांनी कमी वेळेत करोनासारख्या महामारीवर मोठ्याप्रमाणात नियंत्रण मिळवले. असे असताना आज त्यांच्या जन्मदिनी मुख्यमंत्री ठाकरे यांच्या संयमी, सुसंस्कृत, प्रांजळ स्वभावाचे कौतुक व्हायला हवे होते. मात्र, कौतुक राहिले बाजूलाच उलट त्यांच्यावर तोंडसुख घेऊन त्यांना अपशकुन घडवण्यासाठी भाजपाने कार्यकारिणीची बैठक बोलावली. त्यांच्या या घाणेरड्या प्रयत्नाबद्दल आपण निषेध व्यक्त करत आहोत, असेही हसन मुश्रीफ म्हणाले.

आणखी वाचा- “रिक्षाचं स्टिअरिंग उद्धव ठाकरेंच्या हाती, मात्र कुठे जायचं हे मागे बसलेले ठरवतात”

विरोधी पक्षनेते देवेंद्र फडणवीस हे, आम्ही महाराष्ट्रातील सरकार पाडणार नाही तर महाविकास आघाडीतील पक्षांच्या अंतर्गत विरोधामुळेच सरकार पडेल, असा दावा करतात. असे असेल तर मग फडणवीस यांनी शांत राहून आमच्यातील अंतर्गत विरोधामुळे सरकार पडायची वाट तर पहावी. किमान एवढा तरी शहाणपणा शिल्लक ठेवावा, असा खोचक टोला देखील मुश्रीफ यांनी यावेळी लगावला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 27, 2020 5:14 pm

Web Title: hasan mushrif criticizes bjp msr 87
Next Stories
1 शासनाकडून देय असलेली शिष्यवृत्ती न मिळाल्यामुळे विद्यार्थ्याचे प्रवेश रद्द करू नये : वड्डेटीवार
2 “सत्ता, पैसा आणि राज्यपाल कार्यालयाचा वापर करुन लोकशाहीच्या हत्येचा भाजपाचा प्रयत्न”
3 महाराष्ट्रात शत-प्रतिशत भाजपासाठी तयारीला लागा, केंद्रातून आदेश
Just Now!
X