20 September 2020

News Flash

कोकणात मुसळधार पावसाचा इशारा

कोकणातील बळीराजा मान्सूनच्या आगमनाची चातकासारखी वाट बघत असतानाच येत्या ७२ तासांत जिल्ह्य़ात मुसळधार पाऊस पडण्याचा इशारा हवामान खात्याने दिला आहे.

| June 13, 2015 06:15 am

भारतीय हवामान विभाग व स्कायमेट यांनी यंदाच्या वर्षी मान्सून सुरळीत होणार असल्याचे म्हटले आहे.

कोकणातील बळीराजा मान्सूनच्या आगमनाची चातकासारखी वाट बघत असतानाच येत्या ७२ तासांत जिल्ह्य़ात मुसळधार पाऊस पडण्याचा इशारा हवामान खात्याने दिला आहे.
गेल्या वर्षांप्रमाणे यंदाही जून महिन्याचा पूर्वार्ध कमी पावसाचा ठरला आहे. त्यामुळे जिल्ह्य़ात पेरण्याही खोळंबल्या आहेत. तीन दिवसांपूर्वी चक्रीवादळाच्या इशाऱ्यामुळे शेतकऱ्याच्या चिंतेत आणखी भर पडली होती. सुदैवाने वादळाचा धोका टळला असला तरी त्यामुळे पावसाचे आगमनही लांबणीवर पडले आहे. मात्र आगामी तीन दिवसांत जिल्ह्य़ात काही ठिकाणी ७ ते २४ सेंटीमीटर इतका पाऊस पडण्याचा इशारा हवामान खात्याने दिला आहे. त्याचबरोबर पुढील आठवडय़ात मान्सूनच्या नियमित वर्षांवाचीही अपेक्षा आहे.
समुद्राला उधाण
दरम्यान, पुढील आठवडय़ातील १५ ते १८ जून या काळात समुद्राच्या लाटा ४.५ मीटरपेक्षा जास्त उसळण्याची शक्यता जिल्हा आपत्ती व्यवस्थापन प्राधिकरणाने व्यक्त केले आहे. या चार दिवशी किमान ४.५१ मीटर ते ४.६१ मीटर उंचीपर्यंतच्या लाटा उसळतील, असा अंदाज आहे. त्यामुळे किनारपट्टीच्या भागात सावधगिरीचा इशारा देण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 13, 2015 6:15 am

Web Title: havey rain in konkan
Next Stories
1 मुंबई-गोवा महामार्ग चौपदरीकरणानंतर टोल आकारणार -अनंत गीते
2 संत्र्याच्या उत्पादनात महाराष्ट्र पुन्हा मागे
3 शेतकरी विधवेच्या आत्महत्येने प्रशासन हतबल
Just Now!
X