News Flash

रत्नागिरी, संगमेश्वरमध्ये धुवाँधार; वशिष्ठी नदी पुलावरची वाहतूक बंद

मुंबई गोवा महामार्गावरची वाहतूकही पर्यायी मार्गावर वळवण्यात आली आहे

रत्नागिरी आणि संगमेश्वरमध्ये धुवाँधार पावसाने हजेरी लावली आहे. या पावसामुळे वशिष्ठी नदीच्या पुलावरची अवजड वाहनांची वाहतूक बंद करण्यात आली आहे. तर मुंबई गोवा महामार्गावरची वाहतूक पर्यायी मार्गाने वळवली आहे. संगमेश्वर चिपळूण या ठिकाणी बाजारपेठांमध्येही पाणी भरले आहे.

गेल्या काही दिवसांपासून कोकणात पावसाने चांगलीच हजेरी लावली आहे. रत्नागिरी आणि इतर परिसरात मुसळधार पाऊस पडतो आहे. मराठवाड्यात पावसाने ओढ दिली आहे. मात्र कोकणात चांगला पाऊस पडतो आहे. आता पाऊस इतक्या मोठ्या प्रमाणावर झाला आहे की संगमेश्वर आणि चिपळूण येथील बाजारपेठांमध्येही पाणी भरले आहे. खेडमध्ये जगबुडी नदीने धोक्याची पातळी ओलांडली त्यामुळेही मुंबई गोवा महामार्गावरची वाहतूक पर्यायी मार्गावर वळवण्यात आली आहे असेही समजते आहे.

मुंबईत जुलै महिन्याच्या सुरूवातीचा अपवाद वगळला तर पावसाच्या तुरळक सरी झाल्या आहेत. येत्या काही तासांमध्येही मुंबईत काही भागांमध्ये मुसळधार तर काही भागांमध्ये तुरळक सरींचा अंदाज हवामान खात्याने वर्तवला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 15, 2019 10:38 am

Web Title: heavy rain in chiplun and ratnagiri water logging started scj 81
Next Stories
1 नागपूर: चारित्र्याच्या संशयावरुन प्रियकराने केली १९ वर्षीय तरुणीची हत्या
2 महाराष्ट्र काँग्रेसला प्रदेशाध्यक्ष मिळाला पण नेतृत्वासाठी पक्ष उरलाय?-शिवसेना
3 मृत मासे खाल्ल्याने मगरीचा मृत्यू
Just Now!
X