News Flash

कोकणात मुसळधार पाऊस, मुंबई-गोवा राष्ट्रीय महामार्गावरील वाहतुकीत बदल

मुंबईच्या दिशेने येणाऱ्या वाहतुकीतही बदल

मुंबई-गोवा राष्ट्रीय महामार्ग (संग्रहित छायाचित्र)

कोकणात दोन दिवसांपासून सतत मुसळधार पाऊस सुरु असल्याने इथल्या नद्यांना पूर आले असून अनेक पुलांवरुन पाणी वाहू लागले आहे. त्यामुळे मंबई-गोवा राष्ट्रीय महामार्गावरील वाहतुकीत थोडासा बदल करण्यात आला आहे. पोलीस अधीक्षक कार्यालयातून ही माहिती देण्यात आली.

पोलिसांच्या माहितीनुसार, मुंबई-गोवा राष्ट्रीय महामार्गावरील माणगाव शहराच्या अलीकडे घोड नदीवरील कळमजे पुलावरून पुराचे पाणी वाहू लागले आहे. त्यामुळे महामार्गावरील वाहतुक तात्पुरत्या स्वरूपात बंद करून ती कोलाड नाक्याच्या पुढे भिरा नाका येथून वळवण्यात आली आहे. ही वळवलेली वाहतुक माणगाव एसटी स्टँड समोर निजामपूर नाका येथे पुन्हा मुंबई-गोवा राष्ट्रीय महामार्गावर येऊन तिथून पुढे वाहतुक नेहमीप्रमाणे सुरू ठेवण्यात आली आहे.

त्याचप्रमाणे मुंबईच्या दिशेने येणारी वाहतूक देखील माणगाव येथील निजामपूर नाका येथून वळविण्यात आलेली आहे. पावसाची स्थिती पाहून परिस्थितीनुसार पुढील बदल करण्यात येतील, असे पोलीस अधीक्षक कार्यालयातील जनसंपर्क अधिकाऱ्यांनी कळवले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 5, 2020 3:40 pm

Web Title: heavy rains in konkan change in traffic on mumbai goa national highway aau 85
Next Stories
1 वणीतील दोन विद्यार्थ्यांची ‘यूपीएससी’त भरारी
2 चंद्रपूर महाऔष्णिक वीज केंद्राच्या चिमणीवर बसून प्रकल्पग्रस्तांचे आंदोलन
3 #DhanyawadBalasaheb हॅशटॅग होतोय ट्रेण्ड; अमेरिकेतील सेलिब्रेशनच्या पोस्टरवरही झळकले बाळासाहेब
Just Now!
X