News Flash

“मी भाजपा सोडते आहे, या वावड्या कुठून आल्या?”

काही अफवा अकारण पसरवण्यात आल्या असंही पंकजा मुंडे यांनी म्हटलं आहे

मी भाजपा सोडते आहे या वावड्या कुठून आल्या? असा प्रश्न भाजपाच्या नेत्या पंकजा मुंडे यांनी विचारला आहे. मी नाराज नाही असंही पंकजा मुंडे यांनी स्पष्ट केलं. इथं सगळे आम्ही एकत्र काम केलेले लोक आहोत. त्यांच्यावर काय नाराज व्हायचं? असाही प्रश्न पंकजा मुंडे यांनी विचारला आहे. एवढंच नाही तर मी जनतेच्या मनातली मुख्यमंत्री असं काहीही म्हटलं नव्हतं. अकारण नसताना या सगळ्या गोष्टी पसरवल्या गेल्या असंही पंकजा मुंडे यांनी म्हटलं आहे. एका मराठी वृत्तवाहिनीला दिलेल्या मुलाखतीत पंकजा मुंडे यांनी हे स्पष्टीकरण दिलं आहे.

पंकजा मुंडे यांनी मध्यंतरीच्या काळात एक फेसबुक पोस्ट लिहिली होती. या पोस्टमध्ये पंकजा मुंडे यांनी भगवान गडावर मोठी घोषणा करणार असल्याचे संकेत दिले होते. आता १२ डिसेंबरच्या म्हणजे गुरुवारच्या एक दिवस आधी पंकजा मुंडे यांनी एका मराठी वृत्तवाहिनीला मुलाखत दिली. या मुलाखतीत मी भाजपा सोडणार या वावड्या कुणी उठवल्या असा प्रश्न त्यांनी विचारला. तसंच जे काही अंदाज लढवण्यात आले ते मीडियाने लढवले. मी त्याकडे शांतपणे पाहात होते असंही पंकजा मुंडे यांनी म्हटलं आहे.

मी पुन्हा येईनवरही भाष्य

‘मी पुन्हा येईन’ ही घोषणा देवेंद्र फडणवीस यांनी दिली होती. त्यावर बरीच टीका झाली. या घोषणेतून कुठेतरी गर्व डोकावतो अशा स्वरुपाची टीका करण्यात आली. तसंच या घोषणेची खिल्लीही उडवण्यात आली. त्याबाबत विचारण्यात आलं असता पंकजा मुंडे म्हणाल्या की, ” मी पुन्हा येईन ही घोषणा निवडणूक प्रचाराचा एक भाग होती. त्यात गर्व कुठेही डोकावलेला आम्ही तरी पाहिला नाही. आता लोक या कँपेनची खिल्ली उडवली जाते आहे. पराभव झाला की अशा घोषणांची खिल्ली उडतेच ” असंही पंकजा मुंडे यांनी स्पष्ट केलं.

 

 

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 11, 2019 6:32 pm

Web Title: i am leaving bjp who spread these rumors ask pankja munde scj 81
Next Stories
1 “शिवसेना आणि भाजपाचं रक्त हिंदुत्त्वाचं, युतीबाबत आशावादी”, चंद्रकांत पाटील यांच्या वक्तव्याने खळबळ
2 मंत्रिमंडळ बैठकीत उद्धव ठाकरे सरकारचा निर्णयांचा धडाका
3 समृद्धी महामार्गाला बाळासाहेब ठाकरेंचं नाव देणार, मंत्रिमंडळ बैठकीत प्रस्ताव मान्य
Just Now!
X