News Flash

काँग्रेसने मोदी सरकारला डिवचले; लावले ‘अच्छे दिन’चे फलक

शहर काँग्रेसने सरकारला दोन वर्ष पूर्ण होत असल्याच्या निमित्ताने फलक लावले आहेत

फाइल फोटो (सौजन्य: पीटीआयवरुन साभार)

दुसऱ्या सत्तेत येऊन मोदी सरकारला आता दोन वर्ष पूर्ण होत आहे. द्वितीय वर्षपूर्ती निमित्ताने काँग्रेसकडून मोदी सरकारच्या निर्णयावर बोट ठेवण्याचा प्रयत्न होत असल्याचं दिसत आहे. वरोरा शहर काँग्रेसतर्फे पाच वर्षात ५० टक्के भाववाढ या मथळ्याखाली लावलेले फलक लक्ष वेधून घेत असून, ‘मोदी सरकारचे अच्छे’च्या मथळ्याखाली असलेला हा फलक येथे चर्चेचा विषय झाला ठरला आहे.

काँग्रेसने लावलेला फलक.

या फलकात पेट्रोल, डिझेल व गॅस सिलेंडरच्या दराची २०१५ व २०१९ वर्षाची तुलना करण्यात आली असून, ‘पाच वर्षात ५० टक्के भाववाढ झाली असे सांगून मोदी सरकारचे अच्छे दिन! असा उपहासात्मक प्रश्न करण्यात आला आहे. याबाबत वरोरा शहर काँग्रेसचे अध्यक्ष विलास टिपले म्हणाले, “पेट्रोलच्या दराने शंभरी गाठली आहे. डिझेल व गॅस सिलेंडरचे दरही दिवसागणिक वाढत आहे. यामुळे वाढत्या महागाईत तेल ओतले जाऊन सर्वसामान्यांची आर्थिक गणितं पार बिघडून गेले आहे. लॉकडाऊनमुळे सामान्य जनता आधीच आर्थिक संकटात सापडली असतांना त्यात महागाईचा भडका उडाला आहे. पेट्रोल, डिझेल व गॅस सिलेंडरचे दर कमी करावेत,” अशी मागणीही टिपले यांनी केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 25, 2021 4:07 pm

Web Title: inflation increases in india congress show hoarding bmh 90
Next Stories
1 VIDEO: बीडमध्ये भिकाऱ्याची १ लाख ७२ हजारांची रक्कम लंपास; पोलिसांनी अवघ्या काही तासांत लावला शोध
2 Maharashtra Covid 19: या १८ जिल्ह्यांमध्ये होम आयसोलेशन बंद; कोव्हिड केंद्रातच व्हावं लागणार दाखल
3 “फडणवीसांना मला सल्ला द्यायचाय”; उदय सामंतांनी व्यक्त केली नाराजी
Just Now!
X