28 September 2020

News Flash

मुख्यमंत्र्यांच्या कार्यक्रमात शेतकऱ्यांचा गोंधळ

‘कृषी वसंत’ प्रदर्शनाच्या समारोपात मुख्यमंत्री पृथ्वीराज चव्हाण यांचे भाषण सुरू होताच काही शेतकऱ्यांनी गोंधळ घातल्याने पोलिसांची धावपळ उडाली होती.

| February 14, 2014 01:26 am

‘कृषी वसंत’ प्रदर्शनाच्या समारोपात मुख्यमंत्री पृथ्वीराज चव्हाण यांचे भाषण सुरू होताच काही शेतकऱ्यांनी गोंधळ घातल्याने पोलिसांची धावपळ उडाली होती. यावेळी काहीजणांना धक्काबुक्कीही झाली.
केंद्रीय व राज्य कृषी खाते तसेच भारतीय उद्योग महासंघ यांच्या संयुक्त विद्यमाने आयोजित वर्धा मार्गावरील केंद्रीय कापूस संशोधन केंद्राच्या परिसरात आयोजित ‘कृषी वसंत’ प्रदर्शनाचा गुरुवारी समारोप झाला. केंद्रीय कृषी मंत्री शरद पवार या कार्यक्रमास उपस्थित राहू शकले नाहीत. पृथ्वीराज चव्हाण यांचे भाषण सुरू होत असतानाच सभा मंडपात बसलेला एक वृद्ध शेतकरी हळूहळू काहीतरी बोलत व्यासपीठाकडे सरकू लागला. व्यासपीठाच्या काही अंतरावर आला असतानाच तो मोठय़ाने बोलू लागला. ते पाहून सुरक्षा यंत्रणेचे तिकडे लक्ष गेले. पोलिसांनी त्या शेतकऱ्याला समजावण्याचा प्रयत्न केला.
कापसाला जाहीर केलेला भाव मिळाला नाही, चंद्रपुरात वीज तयार होते मात्र ती मुंबईतच जास्त दिली जाते, असे हा वृद्ध शेतकरी मोठय़ाने बोलत होता. पोलीस यंत्रणेने त्याला समजावत बाहेर नेणे सुरू केले, तर पोलीस त्याला जाण्यास मज्जाव करू लागले. ते दिसताच  मांडवात गोंधळ उडाला. यावेळी तेथे धक्काबुक्की झाली. नंतर पोलिसांनी या शेतकऱ्यास तेथून बाहेर काढले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 14, 2014 1:26 am

Web Title: krishi vasant mess in cm chavans program
Next Stories
1 भू-विकास बँकोंच्या जीवदानास सर्वपक्षीय समिती अनुत्सुक
2 आरोग्य तक्रार निवारणाचा पाच जिल्ह्य़ांत प्रयोग
3 नक्षलवाद्यांच्या केंद्रीय समितीत मिलिंद तेलतुंबडे
Just Now!
X