25 September 2020

News Flash

नाताळच्या सुट्टीसाठी सिंधुदुर्ग सज्ज!

नाताळच्या सुट्टीच्या निमित्ताने सिंधुदुर्गच्या पर्यटनात मोठी गर्दी होणार आहे. जिल्ह्य़ात पर्यटकांची हाऊसफुल्ल गर्दी अपेक्षित धरून व्यावसायिकांनी जय्यत तयारी ठेवली आहे, तसेच हॉटेल आरक्षणही फुल झाले

| December 25, 2012 04:05 am

नाताळच्या सुट्टीच्या निमित्ताने सिंधुदुर्गच्या पर्यटनात मोठी गर्दी होणार आहे. जिल्ह्य़ात पर्यटकांची हाऊसफुल्ल गर्दी अपेक्षित धरून व्यावसायिकांनी जय्यत तयारी ठेवली आहे, तसेच हॉटेल आरक्षणही फुल झाले आहे.
आंबोली, तारकर्ली, कणकवली, मालवण, विजयदुर्ग, सावंतवाडी अशा भागांतील हॉटेल्स नाताळनिमित्ताने सज्ज झाली आहेत. गेल्या काही वर्षांत सिंधुदुर्गात देशी-विदेशी पर्यटकांचा ओघ सुरू झाला आहे.
आंबोली थंड हवेचे ठिकाण व सागरी किनाऱ्यावरील रेडी, वेळागर, मोचेमाड, तारकर्ली, देवबाग, विजयदुर्ग अशा सागरी किनाऱ्यांवर पर्यटकांची रीघ मोठय़ा प्रमाणात होत आहे. या हंगामातही पर्यटकांनी ठिकठिकाणी आरक्षणे करून नाताळ सुट्टीचा आनंद लुटण्याचा निश्चय केला आहे.
मालवणमध्ये सागरातील स्नॉर्केलिंगच्या आकर्षणामुळे पर्यटकांची रीघ आहे.
शिवाय माशांच्या जेवणासाठी खास पर्यटकांची रीघही लागते.
नाताळच्या सुट्टीच्या निमित्ताने येणाऱ्या पर्यटकांसाठी सावंतवाडी नगर परिषदेने २६ ते ३० डिसेंबर कालावधीत पर्यटन महोत्सवाचे आयोजन केले आहे. त्यानिमित्ताने स्थानिक विद्यार्थी व कलाकारांना २१ ते २४ डिसेंबर कालावधीत कार्यक्रम साजरे करण्यासाठी व्यासपीठ उपलब्ध करून दिले आहे.
या पर्यटन महोत्सवामुळे पर्यटक मोठय़ा प्रमाणात सावंतवाडीत येतील, असे अपेक्षित आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 25, 2012 4:05 am

Web Title: leave for christmassindudurgais ready
Next Stories
1 मधु दंडवते यांचे तैलचित्र काढल्यास रेल रोको!
2 रेवदंडा बोगस मतदार नोंदणीप्रकरणी प्रांताधिकाऱ्यांकडे तक्रार
3 लिड इंडिया पब्लिशर असोसिएशनच्या अध्यक्षपदी जयपाल पाटील यांची नियुक्ती
Just Now!
X