News Flash

नव्या वर्षापूर्वी मंत्रिमंडळ विस्तार- अजित पवार

३१ डिसेंबरपर्यंत मंत्रिमंडळाचा विस्तार होईल असं अजित पवार यांनी म्हटलं आहे

(संग्रहित छायाचित्र)

नवं वर्ष लागण्यापूर्वी म्हणजेच १ जानेवारी २०२० पूर्वी मंत्रिमंडळ विस्तार होईल असं राष्ट्रवादीचे नेते अजित पवार यांनी स्पष्ट केलं आहे. तसंच शेतकऱ्यांबाबत लवकरच सकारात्मक निर्णय घेतला जाईल असंही त्यांनी स्पष्ट केलं. सिंचन घोटाळ्याबाबत जी क्लीन चिट मिळाली त्याबाबत नो कॉमेंट एवढीच प्रतिक्रिया अजित पवार यांनी दिली. शिवसेना खासदार संजय राऊत यांनी अजित पवार आमचे उपमुख्यमंत्री असतील असं वक्तव्य केलं होतं त्यावर विचारलं असता, “कुणाला कोणती जबाबदारी द्यायची याचा निर्णय शरद पवार घेतील. शरद पवार जो काही निर्णय घेतील तो मला मान्य असेल. संजय राऊत काय म्हणाले ते मी वाचलेलं नाही.” असं अजित पवार यांनी म्हटलं आहे.

अजित पवार यांना क्लीन चिट मिळाली त्यानंतर संजय राऊत यांना विचारलं असता ही आनंदाची बाब आहे. अजित पवार हे आमचे होणारे उपमुख्यमंत्री आहेत असं वक्तव्य शिवसेना खासदार संजय राऊत यांनी केलं. त्यावर अजित पवार यांना विचारलं असता मला याबाबत माहित नाही मी वाचलं नाही असं उत्तर दिलं आहे. तसंच आज शेतकऱ्यांबाबत सकारात्मक निर्णय घेतला जाईल असं अजित पवार यांनी म्हटलं आहे.

CAA आणि NRC वरुन होणाऱ्या आंदोलनाबाबत विचारलं असता, लोकशाहीमध्ये शांततेच्या पद्धतीने आंदोलन केलं जावं तो प्रत्येकाचा अधिकार आहे. मात्र या सगळ्या गोष्टींना हिंसेचं वळण लावू नका असंही आवाहन अजित पवार यांनी केलं आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 21, 2019 10:07 am

Web Title: maharashtra cabinet expansion will be till 31st december says ajit pawar scj 81
Next Stories
1 “ओठास लाली व तोंडास पावडर लावून बसलेल्यांनी खिडकीही बंद करावी”
2 ट्रक उलटल्याने ३ कामगार ठार, ४ जण जखमी
3 राज्यातील विद्यार्थी संख्येत १.५३ लाखांनी घट
Just Now!
X