News Flash

Corona Update : राज्यात मृतांचा आकडा पुन्हा वाढला, दिवसभरात ३८८ मृत्यूंची नोंद!

राज्यात गेल्या २४ तासांत करोना मृतांचा आकडा वाढला आहे. त्याचवेळी ९ हजार ३५० नवीन करोनाबाधितांची नोंद करण्यात आली आहे.

...तर आम्ही प्रभावी रुग्णसेवा कशी द्यायची? असा सवाल आरोग्य विभागाच्या ज्येष्ठ डॉक्टरांकडून उपस्थित केला जात आहे. (संग्रहीत छायाचित्र)

राज्यात गेल्या काही दिवसांपासून करोनाच्या रोजच्या आकडेवारीमध्ये चढ-उतार पाहायला मिळत आहेत. गेल्या काही महिन्यांमध्ये रोज आढळणाऱ्या नव्या करोनाबाधितांची संख्या ५०-६० हजारांवरून १० हजारांपर्यंत खाली आली आहे. मात्र, दररोज ही आकडेवारी सातत्याने कमी होताना न दिसता मध्येच वाढतानाही दिसत आहे. मंगळवारी दिवसभरात राज्यात झालेल्या करोना मृत्यूंची संख्या थेट ३८८ च्या घरात गेली आहे. सोमवारी हाच आकडा २०० इतका नोंदवण्यात आला होता. तिथे दुसरीकडे नव्या करोनाबाधितांचा आकडा देखील कालच्या ८ हजार १२९ वरून जवळपास १२०० नी वाढून ९ हजार ३५० पर्यंत गेला आहे.

 

मंगळवारी राज्याच्या आरोग्य विभागाकडून देण्यात आलेल्या आकडेवारीनुसार राज्याचा मृत्यूदर १.९३ टक्के इतका नोंदवण्यात आला आहे. गेल्या २४ तासांत राज्यात ३८८ करोना मृत्यूंची नोंद करण्यात आली असून एकूण करोना मृतांचा आकडा आता १ लाख १४ हजार १५४ इतका झाला आहे. त्याचवेळी राज्यात ९ हजार ३५० नवे रुग्ण आढळून आले आहेत. त्यामुळे राज्यात करोनाची बाधा झालेल्या रुग्णांचा एकूण आकडा ५९ लाख २४ हजार ७७३ इतका झाला आहे. त्यापैकी सध्या राज्यात १ लाख ३८ हजार ३६१ अॅक्टिव्ह रुग्ण आहेत.

धारावीनं पुन्हा करून दाखवलं; सलग दुसऱ्या दिवशी शून्य रुग्णसंख्या!

आज राज्यात करोनावर मात करून बऱ्या झालेल्या रुग्णांचा आकडा १५ हजार १७६ इतका नोंदवण्यात आला आहे. त्यामुळे आत्तापर्यंत करोनावर मात केलेल्या राज्यातल्या रुग्णांची संख्या ५६ लाख ६९ हजार १७९ इतकी नोंदवण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 15, 2021 8:48 pm

Web Title: maharashtra corona cases increased to 9350 while 388 deaths reported pmw 88
टॅग : Corona,Coronavirus
Next Stories
1 “विभागीय शुल्क समितीच्या कामकाजाबद्दल आठवड्याभरात प्रतिज्ञापत्र सादर करा”
2 ‘आषाढी’साठी नियमावली जाहीर ; देहू व आळंदी प्रस्थान सोहळ्यासाठी प्रत्येकी १०० वारकऱ्यांना परवानगी!
3 आशा कार्यकर्त्यांच्या राज्यव्यापी संपावर फडणवीसांनी व्यक्त केली प्रतिक्रिया, म्हणाले…
Just Now!
X