News Flash

पत्रकारांना फ्रंटलाईन वर्कर्सचा दर्जा देऊन त्यांचं तातडीने लसीकऱण करण्याची बाळासाहेब थोरातांची मागणी!

या संदर्भात थोरात यांनी मुख्यमंत्र्यांना पत्र दिलं आहे.

फाइल फोटो (सौजन्य: Twitter/bb_thorat वरुन साभार)

सर्व पत्रकार मंडळींना फ्रंटलाईन वर्कर्सचा दर्जा देऊन त्यांचं तातडीने लसीकरण करण्यात यावं अशी मागणी राज्याचे महसूल मंत्री आणि काँग्रेस नेते बाळासाहेब थोरात यांनी मुख्यमंत्र्यांकडे केली आहे. थोरात यांनी यासंदर्भातलं पत्र मुख्यमंत्री उद्धव ठाकरे यांना दिलं आहे.

आपल्या ट्विटर अकाऊंटवरुन थोरात यांनी ही माहिती दिली आहे.

आपल्या ट्विटमध्ये ते म्हणतात, पत्रकार हे सातत्याने बातमीदारीच्या निमित्ताने घराबाहेर असतात. त्यामुळे त्यांना कोरोना संसर्गाचा धोका जास्त आहे. त्यांच्या कुटुंबीयांनाही याचा धोका आहे. या सर्व पत्रकार मंडळींना फ्रंटलाईन वर्कर दर्जा देऊन त्यांचे तातडीने लसीकरण करण्यात यावे.

तसंच मुख्यमंत्र्यांना दिलेल्या पत्रात थोरात यांनी अन्य काही राज्यांचे दाखलेही दिले आहेत. तामिळनाडू, मध्य प्रदेश, ओडिशा, पश्चिम बंगाल, आंध्रप्रदेश या राज्यांमध्येही याबाबतचा निर्णय घेतला असल्याचा उल्लेख त्यांनी या पत्रात केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 4, 2021 3:39 pm

Web Title: maharashtra government should count journalists as frontline workers and vaccinate them as soon as possible vsk 98
Next Stories
1 करोना बळावतोय! सांगली जिल्ह्यात संपूर्ण लॉकडाउन; जयंत पाटील यांनी दिली माहिती
2 गोकुळ दूध संघ निवडणूक : सतेज पाटील यांच्या गटातील चार उमेदवार विजयी
3 अदर पूनावाला यांना सुरक्षा देणार का?; संजय राऊतांनी दिलं उत्तर
Just Now!
X