News Flash

Coronavirus – राज्यात दिवसभरात ९२ रूग्णांचा मृत्यू , २७ हजार १२६ करोनाबाधित वाढले

राज्यात आज रोजी एकूण १,९१,६  ॲक्टिव्ह रुग्ण आहेत

संग्रहित छायाचित्र

राज्यातील करोना संसर्ग झपाट्याने वाढत आहे. दररोज वाढणाऱ्या करोनाबाधितांबरोबर आता मृत्यूंच्या संख्येतही मोठी वाढ होताना दिसत आहे. राज्यात दिवसेंदिवस करोनाची वाढती रूग्ण संख्या पाहून सरकार देखील आता अधिकच कठोरपणे नियमांची अंमलबाजवणी करण्याच्या मानसिकतेत दिसत आहे. अनेक शहरांमध्ये तर लॉकडाउनला देखील सुरूवात झालेली आहे. आज दिवसभरात राज्यात ९२ रूग्णांचा मृत्यू झाला असून, २७ हजार १२६ नवीन करोनाबाधित आढळले आहेत.  सध्या राज्यातील मृत्यूदर २.१८ टक्के आहे.  राज्यात आजपर्यंत ५३ हजार ३०० रूग्णांचा मृत्यू झाला आहे.

याशिवाय आज १३ हजार ५८८ करोनातून रुग्ण बरे देखील झाले. राज्यात आजपर्यंत एकूण २२,०३,५५३  करोनाबाधित रुग्ण बरे होऊन घरी परतले आहेत.  यामुळे राज्यातील रुग्ण बरे होण्याचे प्रमाण (रिकव्हरी रेट) ८९.९७ टक्के एवढे झाले आहे.

आजपर्यंत तपासण्यात आलेल्या १,८२,१८,००१ प्रयोगशाळा नमुन्यांपैकी २४,४९,१४७ (१३.४४ टक्के ) नमुने पॉझिटिव्ह आले आहेत. सध्या राज्यात ९,१८,४०८ व्यक्ती गृह विलगीकरणामध्ये आहेत तर ७  हजार ९५३ व्यक्ती संस्थात्मक क्वारंटाईनमध्ये आहेत. राज्यात आज रोजी एकूण १,९१,००६  ॲक्टिव्ह रुग्ण आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 20, 2021 10:18 pm

Web Title: maharashtra reports 27126 new covid19 cases and 92 deaths in the last 24 hours msr 87
टॅग : Coronavirus
Next Stories
1 #ResignAnilDeshmukh : परमबीर सिंग यांच्या पत्रानंतर उद्या राज्यभर भाजपाची निदर्शनं!
2 परमबीर सिंग यांच्या गौप्यस्फोटानंतर राज ठाकरेंनी दिली प्रतिक्रिया, म्हणाले…
3 वसुलीमंत्री अनिल देशमुखांनी ताबडतोब राजीनामा दिलाच पाहिजे! – भाजपा
Just Now!
X