News Flash

महाराष्ट्रात दिवसभरात ३ हजार ९५९ नवे करोना रुग्ण, अ‍ॅक्टिव्ह केसेस एक लाखांपेक्षा कमी

२४ तासांमध्ये १५० करोना रुग्णांचा राज्यात मृत्यू

(संग्रहित छायाचित्र)

महाराष्ट्रात मागील २४ तासात करोनाचे अवघे ३ हजार ९५९ नवे रुग्ण आढळले आहेत. तर आज दिवसभरात ६ हजार ४७८ रुग्ण बरे झाले आहेत. राज्यात आत्तापर्यंत एकूण १६ लाख ६९ हजार ९० रुग्ण करोनामुक्त झाले आहेत. यामुळे राज्यातील रुग्ण बरे होण्याचे प्रमाण अर्थात रिकव्हरी रेट हा ९१.५३ इतका झाला आहे. महाराष्ट्र शासनाच्या आरोग्य विभागाने ही माहिती दिली आहे. राज्यात आज १५० करोना रुग्णांच्या मृत्यूंची नोंद झाली आहे. राज्यातील मृत्यूदर २.६३ टक्के इतका आहे. आजपर्यंत तपासण्यात आलेल्या ९३ लाख ७८ हजार ५३१ प्रयोगशाळा नमुन्यांपैकी १७ लाख १४ हजार २७३ नमुने पॉझिटिव्ह आले आहेत.

महाराष्ट्रात सध्या १० लाख ७१ हजार १६३ व्यक्ती होम क्वारंटाइन आहेत तर ९ हजार ७९९ व्यक्ती संस्थात्मक क्वारंटाइन आहेत. राज्यात आज घडीला ९९ हजार १५१ अॅक्टिव्ह रुग्ण आहेत. आज राज्यात ३ हजार ९५९ नव्या रुग्णांची नोंद झाली आहे. त्यामुळे राज्यातील करोनाग्रस्तांची एकूण संख्या १७ लाख १४ हजार २७३ इतकी झाली आहे. आज नोंद झालेल्या १५० मृत्यूंपैकी ७० मृत्यू हे मागील ४८ तासांमधले आहेत. तर ४७ मृत्यू मागील आठवड्यातले आहे. उर्वरित ३३ मृत्यू हे एक आठवड्यापेक्षा कमी कालावधीतले आहेत असंही आरोग्य विभागाने स्पष्ट केलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 7, 2020 6:56 pm

Web Title: maharashtra reports 3959 new covid19 cases 150 deaths and 6748 discharges today scj 81
टॅग : Coronavirus
Next Stories
1 मराठा आरक्षणासाठी पायी दिंडी ऐवजी वाहनातून पुण्याकडे रवाना
2 आता तरी सत्तेचा माज सोडून मराठा तरूणांच्या भविष्याचा विचार करा, अन्यथा … – चंद्रकांत पाटील
3 पाणीपुरीसाठी शौचालयाच्या टाकीतील पाण्याचा वापर, कोल्हापूरकरांनी फोडली गाडी
Just Now!
X