महाराष्ट्रात आज ६ हजार ३६५ करोना रुग्णांना डिस्चार्ज देण्यात आला आहे. आत्तापर्यंत १७ लाख ३७ हजार ८० रुग्णांनी करोनावर मात केली आहे. त्यामुळे महाराष्ट्रातील करोना रुग्ण बरे होण्याचे प्रमाण अर्थात रिकव्हरी रेट ९३.४२ टक्के इतका झाला आहे. आज राज्यात ४ हजा २६ नवे करोना रुग्ण पॉझिटिव्ह आढळले आहेत. तर मागील २४ तासांमध्ये ५३ मृत्यूंची नोंद झाली आहे. राज्यातील मृत्यूदर हा २.५७ टक्के इतका झाला आहे. महाराष्ट्र शासनाच्या आरोग्य विभागाने ही माहिती दिली आहे. Maharashtra reports 4,026 new #COVID19 cases, 6,365 discharges and 53 deaths today. Total cases 18,59,367 Total recoveries 17,37,080 Death toll 47,827 Active cases 73,374 pic.twitter.com/DwTlWuAMz9 — ANI (@ANI) December 8, 2020 आजपर्यंत तपासण्यात आलेल्या १ कोटी १३ लाख ७७ हजार ७४ प्रयोगशाळा नमुन्यांपैकी १८ लाख ५९ हजार ३६७ नमुने पॉझिटिव्ह आले आहेत. तर सध्या राज्यात ५ लाखात ४८ हजार ९६१ व्यक्ती होम क्वारंटाइन आहेत तर ५ हजार ६१७ व्यक्ती संस्थात्मक क्वारंटाइन आहेत. राज्यात आज घडीला ७३ हजार ३७४ रुग्णांवर उपचार सुरु आहेत. आज राज्यात ४ हजार २६ नवे करोना रुग्ण पॉझिटिव्ह आढळले आहेत. त्यामुळे महाराष्ट्रातील करोनाग्रस्तांची एकूण संख्या १८ लाख ५९ हजार ३६७ इतकी झाली आहे अशीही माहिती महाराष्ट्र शासनाच्या आरोग्य विभागाने दिली आहे. महाराष्ट्रात मागील २४ तासांमध्ये ५३ मृत्यूंची नोंद झाली आहे. आत्तापर्यंत करोनामुळे राज्यात ४७ हजार ८२७ रुग्णांचा मृत्यू झाला आहे.