04 August 2020

News Flash

नारायण राणे भाजपमध्ये तर शिवसेना सत्तेबाहेर ?

उद्धव ठाकरेंनी निर्णय घ्यावा, आमचा पाठिंबा असेल असे आमदारांनी सांगितल्याचे समजते.

मुख्यमंत्री देवेंद्र फडणवीस आणि शिवसेना पक्षप्रमुख उद्धव ठाकरे (संग्रहित छायाचित्र)

नारायण राणे यांच्या भाजपप्रवेशाची चर्चा जोरात असतानाच शिवसेनेनेही भाजपला हादरा देण्याची तयारी सुरु केली आहे. सोमवारी शिवसेना आमदार, खासदार आणि मंत्र्यांची पक्षप्रमुख उद्धव ठाकरेंच्या उपस्थितीत बैठक झाली. सरकारचे काय करायचे असा प्रश्न सध्या आहे. पण शिवसेना निर्णयाच्या जवळ आली असून, आणखी काही काळ प्रतीक्षा करा, असे संजय राऊत यांनी म्हटले आहे. सत्तेतून बाहेर पडण्याचा इशारा देत शिवसेनेने भाजपला अल्टिमेटमच दिला आहे.

सोमवारी ‘मातोश्री’वर शिवसेना पक्षप्रमुख उद्धव ठाकरे यांच्या उपस्थितीत मंत्री, आमदार आणि खासदार यांची बैठक पार पडली. या बैठकीत सर्वांनी उद्धव ठाकरेंसमोर नाराजीचा पाढा वाचला. सत्तेत असूनही विकास कामे होत नसल्याची तक्रार आमदार- खासदारांनी उद्धव ठाकरेंकडे केल्याचे समजते. सरकारबाबत काय भूमिका घ्यायची, असा प्रश्न पक्षश्रेष्ठींनी आमदारांना विचारला होता, असे वृत्त मराठी वृत्तवाहिन्यांनी दिले आहे. यावर उद्धव ठाकरेंनी निर्णय घ्यावा, आमचा पाठिंबा असेल असे आमदारांनी सांगितल्याचे समजते.

बैठकीनंतर संजय राऊत यांनी ट्विटरवर एक ट्विट केले आहे. यामध्ये राऊत म्हणाले, ‘सरकारचे काय करायचे?, होय, शिवसेना निर्णयाच्या जवळ आली आहे. थांबा आणि प्रतीक्षा करा’. तर रामदास कदम यांनीही प्रसारमाध्यमांना प्रतिक्रिया दिली. शिवसेनेची महत्त्वाची बैठक झाली. त्यामध्ये आमदार, खासदार, मंत्री उपस्थित होते. सत्तेतून बाहेर पडण्याचा निर्णय योग्य वेळेला घेतला जाईल, असे त्यांनी सांगितले.

नारायण राणे हे भाजपत प्रवेश करणार असल्याची चर्चा आहे. नारायण राणे यांनी रविवारी दसऱ्याच्या मुहूर्तावर भाजपत प्रवेश करण्याचे संकेत दिले आहेत. सोमवारी नारायण राणे कुडाळमध्ये सभा घेणार असून या सभेत राणे काय बोलणार याची उत्सुकता आहे. या घडामोडी सुरु असतानाच आता शिवसेनेने सत्तेतून बाहेर पडण्याचे संकेत दिल्याने राजकीय क्षेत्रात तर्कवितर्क लढवले जात आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 18, 2017 3:33 pm

Web Title: maharashtra shiv sena party chief uddhav thackeray meeting with mla mp alliance with bjp sanjay raut narayan rane
Next Stories
1 पुण्यात राष्ट्रवादीकडून महागाईविरोधात आंदोलन; पालकमंत्र्यांच्या कार्यालयासमोरच पेटवल्या चुली
2 नोटाबंदीनंतर कॅशलेस झालेल्या महाराष्ट्रातील ‘त्या’ गावात पुन्हा रोखीचे व्यवहार!
3 नंदुरबारमध्ये जुगाऱ्यांनी केला पोलीस पथकावर हल्ला
Just Now!
X