News Flash

बदनामीच्या भितीपोटी एसटीत वाहकाची आत्महत्या

गाराच्या आवारात उभ्या असलेल्या एस.टी. मध्ये गळ्याला फास घेऊन जीवनयात्रा संपविली.

तिकीट मशिनमध्ये बिघाड होऊन चुकीचे तिकीट दिल्या गेले आणि नेमके तेच तिकीट तपासणी पथकाच्या हाती लागले. त्यामु़ळे चार वर्षे प्रामाणिक सेवा देऊनही आपल्यावर कारवाई होईल, सोयरे-धायरे, मित्र व एस.टी.महामंडळ परिवारात आपली नाहक बदनामी होईल या भीतीपोटी माहूर एस.टी. आगाराचे वाहक संजय संभाजी जानकर (वय 55) यांनी शुक्रवार (दि.26 फेब्रु) रोजी आगाराच्या आवारात उभ्या असलेल्या एस.टी. (क्र.एम.एच-20.बीएल-4015) मध्ये गळ्याला फास घेऊन आपली जीवनयात्रा संपविली.

सदर वाहक (दि.24) रोजी माहूर-नांदेड फेरीवर असताना त्यांनी महागावच्या प्रवाशांकडून पैसे पूर्ण घेतले. मात्र तिकीट धनोड्यापर्यंतचेच दिल्याची बाब तपासणी पथकाच्या तपासणीत निष्पन्न झाले. त्याप्रकरणी त्यांची चौकशी सुरू होती. पोलिसांनी पंचनामा केला असून प्रेत उत्तरीय तपासणीसाठी ग्रामीण रूग्णालयात पाठविले आहे.

मृत वाहक जानकर यांच्या खिशात चिट्ठी सापडली असल्याची माहिती आगार प्रमुख व्ही.टी.धुतमल यांनी दिली. नादुरुस्त तिकीट मशिन संजय जानकर यांच्या आत्महत्येस कारणीभूत ठरल्याची बाब  त्यांनी लिहून ठेवलेल्या चार पानी पत्रातून उघड झाली असून त्यांच्या मृत्यूने सर्वत्र हळहळ व्यक्त केली जात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 26, 2021 5:26 pm

Web Title: maharashtra st bus conductor suicide in nanded nck 90
Next Stories
1 “बदनामी थांबली नाही तर आम्हाला आत्महत्याच करावी लागेल”, पूजा चव्हाणच्या वडिलांचा इशारा!
2 अंबानींच्या घराबाहेर स्फोटक आढळून येणं, हे घडवून आणलेलं षडयंत्र : राजू शेट्टी
3 पोहरादेवी : करोना काळात झालेल्या गर्दीसाठी वनमंत्री राठोड, महंतांऐवजी पोलिसांना विचारण्यात आला जाब
Just Now!
X