भारतीय जनता पार्टीच्या रायगड जिल्हा सरचिटणीसपदी महेश बालदी, तर युवा मोर्चाच्या जिल्हाध्यपदी अॅड. महेश मोहिते यांची नियुक्ती करण्यात आली आहे. जिल्हा अध्यक्षपदी निवड झाल्यानंतर आता आ. प्रशांत ठाकूर यांनी आपली रायगड जिल्हा कार्यकारिणी जाहीर केली आहे. त्यामध्ये रायगड जिल्हा सरचिटणीसपदी महेश बालदी, श्रीनंद पटवर्धन आणि सुनील दांडेकर, उपाध्यक्षपदी लक्ष्मण पाटील, जी. आर. पाटील, कृष्णा कोबनाक, राजेंद्र पाटील, अॅड. राजेंद्र येरुणकर, भाग्यश्री आठवले व सतीश धारप, चिटणीसपदी रमेश मुंढे, उदय काटे, अविनाश कोळी यांची, तर युवा मोर्चाच्या जिल्हाध्यपदी अॅड. महेश मोहिते, महिला मोर्चा जिल्हाध्यक्षपदी कल्पना राऊत, तसेच अनुसूचित जमाती मोर्चाच्या जिल्हा अध्यक्षपदी मनोहर पादीर यांची नियुक्ती करण्यात आली आहे.