महाराष्ट्र आरोग्य विज्ञान विद्यापीठाच्या सर्व अभ्यासक्रमांच्या हिवाळी सत्रातील लेखी परीक्षा १७ डिसेंबरपासून घेण्यात येणार आहेत. विद्यापीठातील विविध कर्मचारी संघटनांव्दारे पुकारण्यात आलेल्या काम बंद आंदोलनापुढे सदर परीक्षांचे नियोजन न करता आल्याने परीक्षा अनिश्चित कालावधीसाठी विद्यापीठाने पुढे ढकलण्याचा निर्णय घेतला होता. परंतु आता संघटनांनी आंदोलन मागे घेतल्याने पुढे ढकललेल्या लेखी परीक्षेच्या वेळापत्रकांचे विद्यापीठाने फेरनियोजन सुरू केले आहे. सुधारित वेळापत्रक संकेतस्थळावर उपलब्ध होणार आहे.
