19 September 2020

News Flash

आमदार वैभव नाईक यांना करोनाची लागण

आमदार वैभव नाईक यांनी जिल्ह्यात अनेक ठिकाणी प्रवास केला आहे

संग्रहित छायाचित्र

कुडाळ मालवण विधानसभा मतदार संघाचे आमदार वैभव नाईक यांचा स्वॅब तपासणी अहवाल करोनाबाधित आला आहे. ते सिंधुदुर्ग जिल्हा रुग्णालयात उपचार घेत आहेत.

वैभव नाईक हे शिवसेनेचे आमदार असून त्यांचा सोमवारी सकाळी घशाचा  स्वॅब घेतला गेला. हा अहवाल करोनाबाधित असल्याचा अहवाल आला आहे.

आमदार वैभव नाईक यांनी जिल्ह्यात अनेक ठिकाणी प्रवास केला आहे . त्यांच्या संपर्कात आलेल्या व्यक्तींचा शोध घेण्यात आला आहे.

गेल्या काही दिवसांत नाईक यांच्या संपर्कात आलेल्या व्यक्तींची आरोग्य यंत्रणेमार्फत तपासणी करण्यात येत आहे. याच पाश्र्वभूमीवर मालवण शहरातील २० व्यक्तींची करोना रॅपिड टेस्ट मंगळवारी  ग्रामीण रुग्णालयात घेण्यात आली. यात शिवसेना पदाधिकारी, एक महिला अधिकारी, २ पत्रकार व मत्स्य विक्रेत्या महिलांचा समावेश असून सर्वाचे तपासणी अहवाल निगेटिव्ह आले आहेत. याबाबतची माहिती वैद्यकीय अधीक्षक बालाजी पाटील यांनी दिली.

आरोग्य प्रशासनाने दिलेल्या माहितीनुसार १५ जुलैपासून आमदार नाईक यांच्या संपर्कात ज्या व्यक्ती आल्या आहेत. त्यांनी करोना टेस्ट करावी.असे आवाहन करण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 22, 2020 1:26 am

Web Title: mla vaibhav naik infected with corona abn 97
टॅग Coronavirus
Next Stories
1 श्रीवर्धनमधील २३ गावे अजूनही अंधारात
2 जमिनी परत मिळविण्यासाठी शेतकरी आक्रमक
3 रत्नागिरी जिल्ह्यात करोनाबाधित रुग्णांची संख्या २० दिवसांत दुप्पट
Just Now!
X