19 September 2020

News Flash

अखेर मनसेचा झेंडा बदलला, राज ठाकरेंच्या हस्ते अनावरण

राज ठाकरे यांनी आज अधिकृतपणे नव्या झेंड्याचं अनावरण केलं

मनसे अध्यक्ष राज ठाकरे यांच्या हस्ते पक्षाच्या नव्या झेंड्याचं अनावरण करण्यात आलं आहे. मनसेचं महाअधिवेशन आज पार पडत असून राज ठाकरे यांनी यावेळी पक्षाच्या नव्या झेंड्याचं अनावरण केलं. मनसेच्या नव्या झेंड्यात भगवा रंग असून त्यावर छत्रपती शिवाजी महाराजांची राजमुद्रा आहे. या झेंड्याचा फोटो काही दिवसांपूर्वी समोर आला होता. मात्र पक्षाकडून अधिकृत घोषणा झाली नव्हती. आज अखेर राज ठाकरे यांनी अधिकृतपणे नव्या झेंड्याचं अनावरण केलं.

राज ठाकरे यांनी झेंड्याचं अनवारण करण्याआधी शिवसेना पक्षप्रमुख बाळासाहेब ठाकरे यांच्या ९४ व्या जयंतीनिमित्त श्रद्धांजली वाहिली. तसंच आपण संध्याकाळी भाषण करणार असून त्यात सविस्तर बोलणार असल्याची माहिती दिली.

आणखी वाचा – मनसेच्या स्टेजवर पहिल्यांदाच स्वातंत्र्यवीर सावरकरांची प्रतिमा

मनसेने याआधी अधिकृत ट्विटर हँडलवरुन पक्षचिन्हाच्या मागे असलेला झेंडा हटवला होता. त्याआधीपासून मनसे झेंडा बदलणार असल्याची चर्चा सुरु झाली होती. मात्र ट्विटरवर बदल केल्यानंतर तसे संकेत मिळाले होते. पक्षाच्या आधीच्या झेंड्यात निळा, भगवा आणि हिरवा असे तीन रंग होते. मात्र आता त्यात बदल करण्यात आला असून चार रंगांऐवजी फक्त एकच भगवा रंग आहे. तसंच भगव्या रंगाच्या या झेंड्यावर छत्रपती शिवाजी महाराजांची राजमुद्रा आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 23, 2020 10:28 am

Web Title: mns raj thackeray unveil new flag of party sgy 87
Next Stories
1 नरेंद्र मोदींनी बाळासाहेबांना वाहिली श्रद्धांजली, म्हणाले…
2 मनसेच्या स्टेजवर पहिल्यांदाच स्वातंत्र्यवीर सावरकरांची प्रतिमा
3 अमित ठाकरेंचं आज राजकीय लॉन्चिंग ? मनसे नेत्याने केलं स्पष्ट
Just Now!
X