News Flash

खुशखबर! लवकरच मुंबईवरुन नाशिक- पुण्याला जाता येणार लोकलने

मुंबई - पुणे आणि मुंबई - नाशिक दरम्यान रोजचा प्रवास करणाऱ्यांची संख्या मोठी आहे. पुण्यातून मुंबईसाठी सकाळी आठनंतर दुपारी साडेतीनपर्यंत एकही रेल्वे नाही.

(संग्रहित छायाचित्र)

मुंबई – पुणे आणि मुंबई – नाशिक या मार्गांवर रेल्वेची लोकल सेवा सुरु करण्याच्या दृष्टीने सध्या प्रयत्न सुरु करण्यात आले आहेत. मार्गातील घाटक्षेत्र लक्षात घेता त्यासाठी चेन्नई येथील कारखान्यात विशेष लोकलची निर्मिती करण्यात येत असून येत्या महिनाभरात प्रत्यक्ष मार्गावर गाडीची चाचणी घेतली जाईल, अशी माहिती सूत्रांनी दिली. त्यामुळे मुंबईवरुन नाशिक आणि पुण्यात लोकल ट्रेनने जाण्याचे स्वप्न आगामी काळात पूर्ण होण्याची शक्यता आहे.

मुंबई – पुणे आणि मुंबई – नाशिक दरम्यान रोजचा प्रवास करणाऱ्यांची संख्या मोठी आहे. पुण्यातून मुंबईसाठी सकाळी आठनंतर दुपारी साडेतीनपर्यंत एकही रेल्वे नाही. त्यामुळे या मार्गावर लोकल सेवा सुरु करण्याची मागणी गेल्या अनेक वर्षांपासून केली जात आहे. तर मुंबई- नाशिक मार्गावरही लोकल सेवा सुरु करण्याची मागणी केली जात होती. या लोकल सेवेमुळे मुंबई- पुणे आणि मुंबई – नाशिक मार्गावरील प्रवाशांना कमी खर्चात वेगवान प्रवास करता येईल आणि महामार्गांवरील वाहतुकीचा ताणही कमी होईल.

कशी असेल लोकल
रेल्वेतील सूत्रांनी दिलेल्या माहितीनुसार या लोकल गाडीला १६ ऐवजी ३२ ब्रेक असणार आहेत. त्याच प्रमाणे तिच्या इंजिनाची क्षमताही सध्याच्या लोकलच्या तुलनेत अधिक असणार आहे. त्यामुळे घाटक्षेत्रातून ही गाडी सहज धावू शकेल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 8, 2019 9:16 am

Web Title: mumbai pune nashik local train test run in one month central railway
Next Stories
1 देशभरातील वाहतूक कर्मचारी आजपासून दोन दिवस संपावर
2 स्वबळावर लढणे भाजपसाठी आव्हानात्मक
3 मोठय़ा पोलीस बंदोबस्तात संभाजी भिडेंची सभा
Just Now!
X