अर्धापूर तालुक्यातील उमरी येथून मालेगावकडे येत असतांना विजवितरन कंपनीच्या कार्यालयासमोर राष्ट्रीय महामार्गवर पती, पत्नी, मुलगा यांना रस्त्यावर अडवून धारदार शस्त्राने वार केल्याने पत्नी जागीच ठार तर पती गंभीर जखमी झाले असून नांदेड येथील शासकीय रुग्णालयात उपचारासाठी दाखल केले असल्याची माहिती अर्धापूर पोलीसांनी दिली आहे. उमरी येथून कामे आटोपून सोमवारी सायंकाळी ७-३० वाजता मोटरसायकल घेऊन मालेगाव कडे येत असतांना अज्ञात हल्लेखोरांनी गाडी वरून खाली उतरून छाया रावसाहेब पांचाळ व रावसाहेब पांचाळ व मुलगा मोटार सायकलवरून मालेगाव-अर्धापूर रोडवरील महावितरन कंपनीच्या आॅफिससमोर गाडीवरून येऊन धारदार शस्त्राने वार केल्याने छाया रावसाहेब पांचाळ ह्या जागीच ठार तर रावसाहेब पांचाळ हे गंभीर जखमी झाले असून मुलगा सत्यम रावसाहेब पांचाळ (वय ११) हे घाबरून गेले होते. त्या मुलाला धिर देत जखमी असलेले रावसाहेब पांचाळ यांंना नांदेड येथील शासकीय रुग्णालयात उपचारासाठी दाखल केले असून या घटनेची माहिती मिळताच पोलिस निरीक्षक विष्णुकांत गुट्टे,पोलीस उपनिरीक्षक साईनाथ सुरवशे,जमादार परमेश्वर कदम, हेमंत देशपांडे,शेक मजाज खाॅन, यांनी भेट देवून आरोपीची शोधाशोध सुरु केली होती.
