News Flash

मेथीची भाजी खाल्ल्याने सात जणांना विषबाधा; एकाचा मृत्यू

उमरी तालुक्यातील कळगाव येथे कोंडीबा गंगाराम कदम यांच्या घरी गुरुवारी सकाळी जेवणात मेथीची भाजी होती.

प्रतिकात्मक छायाचित्र

नांदेड जिल्ह्यातील उमरी तालुक्यात मेथीची भाजी खाल्ल्याने एकाच कुटुंबातील सात जणांना विषबाधा झाल्याची घटना घडली. यातील एकाचा उपचारा दरम्यान मृत्यू झाला असून उर्वरित सहा जणांना पुढील उपचारासाठी नांदेडमधील रुग्णालयात हलवण्यात आले. कोँडीबा गंगाराम कदम (वय ६५वर्ष) असे मृताचे नाव आहे.

उमरी तालुक्यातील कळगाव येथे कोंडीबा गंगाराम कदम यांच्या घरी गुरुवारी सकाळी जेवणात मेथीची भाजी होती. जेवणानंतर घरातील सर्वच सदस्यांनी पोटदुखीचा त्रास सुरु झाला.यानंतर सर्वांना रुग्णालयात नेण्यात आले. प्राथमिक उपचारानंतर सहा जणांना घरी पाठवण्यात आले. तर कोंडीबा कदम यांची प्रकृती खालावल्याने त्यांचा रुग्णालयात दाखल करण्यात आले. गुरुवारी संध्याकाळी उपचारादरम्यान त्यांचा मृत्यू झाला.

वाचा: भाज्या धुताना ही काळजी घ्यायला हवी

शुक्रवारी सकाळी १० च्या सुमारास भागाबाई गणपतराव पुयड ,आनंदा कोडीबा कदम (वय ३०) ,कल्पना कोंडीबा कदम (वय २८) ,पदमीनबाई मारोती कदम (वय ४०) ,श्लोक शिवाजी कदम (वय ४) यांना पुन्हा पोटदुखीचा त्रास सुरु झाला. शेवटी सर्वांना नांदेडमधील रुग्णालयात हलवण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 22, 2018 8:02 am

Web Title: nanded food poison eating methi 1 dies
Next Stories
1 सिंधुदुर्गात भाजप, राणेंना धक्का देण्याची काँग्रेसची तयारी
2 आरक्षणातून भाजपने मराठा-ओबीसींमध्ये भांडणे लावली
3 कांदाप्रश्नी पुन्हा तेच ते आणि तेच ते!
Just Now!
X